Sri Maha Ganapati Sahasranama Stotram

 English Version

Sri Maha Ganapati Sahasranama Stotram

muniruvācha
kathaṃ nāmnāṃ sahasraṃ taṃ gaṇēśa upadiṣṭavān ।
śivadaṃ tanmamāchakṣva lōkānugrahatatpara ॥ 1 ॥

brahmōvācha
dēvaḥ pūrvaṃ purārātiḥ puratrayajayōdyamē ।
anarchanādgaṇēśasya jātō vighnākulaḥ kila ॥ 2 ॥

manasā sa vinirdhārya dadṛśē vighnakāraṇam ।
mahāgaṇapatiṃ bhaktyā samabhyarchya yathāvidhi ॥ 3 ॥

vighnapraśamanōpāyamapṛchChadapariśramam ।
santuṣṭaḥ pūjayā śambhōrmahāgaṇapatiḥ svayam ॥ 4 ॥

sarvavighnapraśamanaṃ sarvakāmaphalapradam ।
tatastasmai svayaṃ nāmnāṃ sahasramidamabravīt ॥ 5 ॥

asya śrīmahāgaṇapatisahasranāmastōtramālāmantrasya ।
gaṇēśa ṛṣiḥ, mahāgaṇapatirdēvatā, nānāvidhānichChandāṃsi ।
humiti bījam, tuṅgamiti śaktiḥ, svāhāśaktiriti kīlakam ।
sakalavighnavināśanadvārā śrīmahāgaṇapatiprasādasiddhyarthē japē viniyōgaḥ ।

atha karanyāsaḥ
gaṇēśvarō gaṇakrīḍa ityaṅguṣṭhābhyāṃ namaḥ ।
kumāragururīśāna iti tarjanībhyāṃ namaḥ ॥
brahmāṇḍakumbhaśchidvyōmēti madhyamābhyāṃ namaḥ ।
raktō raktāmbaradhara ityanāmikābhyāṃ namaḥ
sarvasadgurusaṃsēvya iti kaniṣṭhikābhyāṃ namaḥ ।
luptavighnaḥ svabhaktānāmiti karatalakarapṛṣṭhābhyāṃ namaḥ ॥

atha aṅganyāsaḥ
ChandaśChandōdbhava iti hṛdayāya namaḥ ।
niṣkalō nirmala iti śirasē svāhā ।
sṛṣṭisthitilayakrīḍa iti śikhāyai vaṣaṭ ।
jñānaṃ vijñānamānanda iti kavachāya hum ।
aṣṭāṅgayōgaphalabhṛditi nētratrayāya vauṣaṭ ।
anantaśaktisahita ityastrāya phaṭ ।
bhūrbhuvaḥ svarōṃ iti digbandhaḥ ।

atha dhyānam
gajavadanamachintyaṃ tīkṣṇadaṃṣṭraṃ trinētraṃ
bṛhadudaramaśēṣaṃ bhūtirājaṃ purāṇam ।
amaravarasupūjyaṃ raktavarṇaṃ surēśaṃ
paśupatisutamīśaṃ vighnarājaṃ namāmi ॥

śrīgaṇapatiruvācha
ōṃ gaṇēśvarō gaṇakrīḍō gaṇanāthō gaṇādhipaḥ ।
ēkadantō vakratuṇḍō gajavaktrō mahōdaraḥ ॥ 1 ॥

lambōdarō dhūmravarṇō vikaṭō vighnanāśanaḥ ।
sumukhō durmukhō buddhō vighnarājō gajānanaḥ ॥ 2 ॥

bhīmaḥ pramōda āmōdaḥ surānandō madōtkaṭaḥ ।
hērambaḥ śambaraḥ śambhurlambakarṇō mahābalaḥ ॥ 3 ॥

nandanō lampaṭō bhīmō mēghanādō gaṇañjayaḥ ।
vināyakō virūpākṣō vīraḥ śūravarapradaḥ ॥ 4 ॥

mahāgaṇapatirbuddhipriyaḥ kṣipraprasādanaḥ ।
rudrapriyō gaṇādhyakṣa umāputrō'ghanāśanaḥ ॥ 5 ॥

kumāragururīśānaputrō mūṣakavāhanaḥ ।
siddhipriyaḥ siddhipatiḥ siddhaḥ siddhivināyakaḥ ॥ 6 ॥

avighnastumburuḥ siṃhavāhanō mōhinīpriyaḥ ।
kaṭaṅkaṭō rājaputraḥ śākalaḥ sammitōmitaḥ ॥ 7 ॥

kūṣmāṇḍasāmasambhūtirdurjayō dhūrjayō jayaḥ ।
bhūpatirbhuvanapatirbhūtānāṃ patiravyayaḥ ॥ 8 ॥

viśvakartā viśvamukhō viśvarūpō nidhirguṇaḥ ।
kaviḥ kavīnāmṛṣabhō brahmaṇyō brahmavitpriyaḥ ॥ 9 ॥

jyēṣṭharājō nidhipatirnidhipriyapatipriyaḥ ।
hiraṇmayapurāntaḥsthaḥ sūryamaṇḍalamadhyagaḥ ॥ 10 ॥

karāhatidhvastasindhusalilaḥ pūṣadantabhit ।
umāṅkakēlikutukī muktidaḥ kulapāvanaḥ ॥ 11 ॥

kirīṭī kuṇḍalī hārī vanamālī manōmayaḥ ।
vaimukhyahatadaityaśrīḥ pādāhatijitakṣitiḥ ॥ 12 ॥

sadyōjātaḥ svarṇamuñjamēkhalī durnimittahṛt ।
duḥsvapnahṛtprasahanō guṇī nādapratiṣṭhitaḥ ॥ 13 ॥

surūpaḥ sarvanētrādhivāsō vīrāsanāśrayaḥ ।
pītāmbaraḥ khaṇḍaradaḥ khaṇḍavaiśākhasaṃsthitaḥ ॥ 14 ॥

chitrāṅgaḥ śyāmadaśanō bhālachandrō havirbhujaḥ ।
yōgādhipastārakasthaḥ puruṣō gajakarṇakaḥ ॥ 15 ॥

gaṇādhirājō vijayaḥ sthirō gajapatidhvajī ।
dēvadēvaḥ smaraḥ prāṇadīpakō vāyukīlakaḥ ॥ 16 ॥

vipaśchidvaradō nādō nādabhinnamahāchalaḥ ।
varāharadanō mṛtyuñjayō vyāghrājināmbaraḥ ॥ 17 ॥

ichChāśaktibhavō dēvatrātā daityavimardanaḥ ।
śambhuvaktrōdbhavaḥ śambhukōpahā śambhuhāsyabhūḥ ॥ 18 ॥

śambhutējāḥ śivāśōkahārī gaurīsukhāvahaḥ ।
umāṅgamalajō gaurītējōbhūḥ svardhunībhavaḥ ॥ 19 ॥

yajñakāyō mahānādō girivarṣmā śubhānanaḥ ।
sarvātmā sarvadēvātmā brahmamūrdhā kakupśrutiḥ ॥ 20 ॥

brahmāṇḍakumbhaśchidvyōmabhālaḥsatyaśirōruhaḥ ।
jagajjanmalayōnmēṣanimēṣō'gnyarkasōmadṛk ॥ 21 ॥

girīndraikaradō dharmādharmōṣṭhaḥ sāmabṛṃhitaḥ ।
graharkṣadaśanō vāṇījihvō vāsavanāsikaḥ ॥ 22 ॥

bhrūmadhyasaṃsthitakarō brahmavidyāmadōdakaḥ ।
kulāchalāṃsaḥ sōmārkaghaṇṭō rudraśirōdharaḥ ॥ 23 ॥

nadīnadabhujaḥ sarpāṅgulīkastārakānakhaḥ ।
vyōmanābhiḥ śrīhṛdayō mērupṛṣṭhō'rṇavōdaraḥ ॥ 24 ॥

kukṣisthayakṣagandharvarakṣaḥkinnaramānuṣaḥ ।
pṛthvīkaṭiḥ sṛṣṭiliṅgaḥ śailōrurdasrajānukaḥ ॥ 25 ॥

pātālajaṅghō munipātkālāṅguṣṭhastrayītanuḥ ।
jyōtirmaṇḍalalāṅgūlō hṛdayālānaniśchalaḥ ॥ 26 ॥

hṛtpadmakarṇikāśālī viyatkēlisarōvaraḥ ।
sadbhaktadhyānanigaḍaḥ pūjāvārinivāritaḥ ॥ 27 ॥

pratāpī kāśyapō mantā gaṇakō viṣṭapī balī ।
yaśasvī dhārmikō jētā prathamaḥ pramathēśvaraḥ ॥ 28 ॥

chintāmaṇirdvīpapatiḥ kalpadrumavanālayaḥ ।
ratnamaṇḍapamadhyasthō ratnasiṃhāsanāśrayaḥ ॥ 29 ॥

tīvrāśirōddhṛtapadō jvālinīmaulilālitaḥ ।
nandānanditapīṭhaśrīrbhōgadō bhūṣitāsanaḥ ॥ 30 ॥

sakāmadāyinīpīṭhaḥ sphuradugrāsanāśrayaḥ ।
tējōvatīśirōratnaṃ satyānityāvataṃsitaḥ ॥ 31 ॥

savighnanāśinīpīṭhaḥ sarvaśaktyambujālayaḥ ।
lipipadmāsanādhārō vahnidhāmatrayālayaḥ ॥ 32 ॥

unnataprapadō gūḍhagulphaḥ saṃvṛtapārṣṇikaḥ ।
pīnajaṅghaḥ śliṣṭajānuḥ sthūlōruḥ prōnnamatkaṭiḥ ॥ 33 ॥

nimnanābhiḥ sthūlakukṣiḥ pīnavakṣā bṛhadbhujaḥ ।
pīnaskandhaḥ kambukaṇṭhō lambōṣṭhō lambanāsikaḥ ॥ 34 ॥

bhagnavāmaradastuṅgasavyadantō mahāhanuḥ ।
hrasvanētratrayaḥ śūrpakarṇō nibiḍamastakaḥ ॥ 35 ॥

stabakākārakumbhāgrō ratnamaulirniraṅkuśaḥ ।
sarpahārakaṭīsūtraḥ sarpayajñōpavītavān ॥ 36 ॥

sarpakōṭīrakaṭakaḥ sarpagraivēyakāṅgadaḥ ।
sarpakakṣōdarābandhaḥ sarparājōttarachChadaḥ ॥ 37 ॥

raktō raktāmbaradharō raktamālāvibhūṣaṇaḥ ।
raktēkṣanō raktakarō raktatālvōṣṭhapallavaḥ ॥ 38 ॥

śvētaḥ śvētāmbaradharaḥ śvētamālāvibhūṣaṇaḥ ।
śvētātapatraruchiraḥ śvētachāmaravījitaḥ ॥ 39 ॥

sarvāvayavasampūrṇaḥ sarvalakṣaṇalakṣitaḥ ।
sarvābharaṇaśōbhāḍhyaḥ sarvaśōbhāsamanvitaḥ ॥ 40 ॥

sarvamaṅgalamāṅgalyaḥ sarvakāraṇakāraṇam ।
sarvadēvavaraḥ śārṅgī bījapūrī gadādharaḥ ॥ 41 ॥

śubhāṅgō lōkasāraṅgaḥ sutantustantuvardhanaḥ ।
kirīṭī kuṇḍalī hārī vanamālī śubhāṅgadaḥ ॥ 42 ॥

ikṣuchāpadharaḥ śūlī chakrapāṇiḥ sarōjabhṛt ।
pāśī dhṛtōtpalaḥ śālimañjarībhṛtsvadantabhṛt ॥ 43 ॥

kalpavallīdharō viśvābhayadaikakarō vaśī ।
akṣamālādharō jñānamudrāvān mudgarāyudhaḥ ॥ 44 ॥

pūrṇapātrī kambudharō vidhṛtāṅkuśamūlakaḥ ।
karasthāmraphalaśchūtakalikābhṛtkuṭhāravān ॥ 45 ॥

puṣkarasthasvarṇaghaṭīpūrṇaratnābhivarṣakaḥ ।
bhāratīsundarīnāthō vināyakaratipriyaḥ ॥ 46 ॥

mahālakṣmīpriyatamaḥ siddhalakṣmīmanōramaḥ ।
ramāramēśapūrvāṅgō dakṣiṇōmāmahēśvaraḥ ॥ 47 ॥

mahīvarāhavāmāṅgō ratikandarpapaśchimaḥ ।
āmōdamōdajananaḥ sapramōdapramōdanaḥ ॥ 48 ॥

saṃvardhitamahāvṛddhirṛddhisiddhipravardhanaḥ ।
dantasaumukhyasumukhaḥ kāntikandalitāśrayaḥ ॥ 49 ॥

madanāvatyāśritāṅghriḥ kṛtavaimukhyadurmukhaḥ ।
vighnasampallavaḥ padmaḥ sarvōnnatamadadravaḥ ॥ 50 ॥

vighnakṛnnimnacharaṇō drāviṇīśaktisatkṛtaḥ ।
tīvrāprasannanayanō jvālinīpālitaikadṛk ॥ 51 ॥

mōhinīmōhanō bhōgadāyinīkāntimaṇḍanaḥ ।
kāminīkāntavaktraśrīradhiṣṭhitavasundharaḥ ॥ 52 ॥

vasudhārāmadōnnādō mahāśaṅkhanidhipriyaḥ ।
namadvasumatīmālī mahāpadmanidhiḥ prabhuḥ ॥ 53 ॥

sarvasadgurusaṃsēvyaḥ śōchiṣkēśahṛdāśrayaḥ ।
īśānamūrdhā dēvēndraśikhaḥ pavananandanaḥ ॥ 54 ॥

pratyugranayanō divyō divyāstraśataparvadhṛk ।
airāvatādisarvāśāvāraṇō vāraṇapriyaḥ ॥ 55 ॥

vajrādyastraparīvārō gaṇachaṇḍasamāśrayaḥ ।
jayājayaparikarō vijayāvijayāvahaḥ ॥ 56 ॥

ajayārchitapādābjō nityānandavanasthitaḥ ।
vilāsinīkṛtōllāsaḥ śauṇḍī saundaryamaṇḍitaḥ ॥ 57 ॥

anantānantasukhadaḥ sumaṅgalasumaṅgalaḥ ।
jñānāśrayaḥ kriyādhāra ichChāśaktiniṣēvitaḥ ॥ 58 ॥

subhagāsaṃśritapadō lalitālalitāśrayaḥ ।
kāminīpālanaḥ kāmakāminīkēlilālitaḥ ॥ 59 ॥

sarasvatyāśrayō gaurīnandanaḥ śrīnikētanaḥ ।
guruguptapadō vāchāsiddhō vāgīśvarīpatiḥ ॥ 60 ॥

nalinīkāmukō vāmārāmō jyēṣṭhāmanōramaḥ ।
raudrīmudritapādābjō humbījastuṅgaśaktikaḥ ॥ 61 ॥

viśvādijananatrāṇaḥ svāhāśaktiḥ sakīlakaḥ ।
amṛtābdhikṛtāvāsō madaghūrṇitalōchanaḥ ॥ 62 ॥

uchChiṣṭōchChiṣṭagaṇakō gaṇēśō gaṇanāyakaḥ ।
sārvakālikasaṃsiddhirnityasēvyō digambaraḥ ॥ 63 ॥

anapāyō'nantadṛṣṭirapramēyō'jarāmaraḥ ।
anāvilō'pratihatirachyutō'mṛtamakṣaraḥ ॥ 64 ॥

apratarkyō'kṣayō'jayyō'nādhārō'nāmayōmalaḥ ।
amēyasiddhiradvaitamaghōrō'gnisamānanaḥ ॥ 65 ॥

anākārō'bdhibhūmyagnibalaghnō'vyaktalakṣaṇaḥ ।
ādhārapīṭhamādhāra ādhārādhēyavarjitaḥ ॥ 66 ॥

ākhukētana āśāpūraka ākhumahārathaḥ ।
ikṣusāgaramadhyastha ikṣubhakṣaṇalālasaḥ ॥ 67 ॥

ikṣuchāpātirēkaśrīrikṣuchāpaniṣēvitaḥ ।
indragōpasamānaśrīrindranīlasamadyutiḥ ॥ 68 ॥

indīvaradalaśyāma indumaṇḍalamaṇḍitaḥ ।
idhmapriya iḍābhāga iḍāvānindirāpriyaḥ ॥ 69 ॥

ikṣvākuvighnavidhvaṃsī itikartavyatēpsitaḥ ।
īśānamaulirīśāna īśānapriya ītihā ॥ 70 ॥

īṣaṇātrayakalpānta īhāmātravivarjitaḥ ।
upēndra uḍubhṛnmauliruḍunāthakarapriyaḥ ॥ 71 ॥

unnatānana uttuṅga udārastridaśāgraṇīḥ ।
ūrjasvānūṣmalamada ūhāpōhadurāsadaḥ ॥ 72 ॥

ṛgyajuḥsāmanayana ṛddhisiddhisamarpakaḥ ।
ṛjuchittaikasulabhō ṛṇatrayavimōchanaḥ ॥ 73 ॥

luptavighnaḥ svabhaktānāṃ luptaśaktiḥ suradviṣām ।
luptaśrīrvimukhārchānāṃ lūtāvisphōṭanāśanaḥ ॥ 74 ॥

ēkārapīṭhamadhyastha ēkapādakṛtāsanaḥ ।
ējitākhiladaityaśrīrēdhitākhilasaṃśrayaḥ ॥ 75 ॥

aiśvaryanidhiraiśvaryamaihikāmuṣmikapradaḥ ।
airammadasamōnmēṣa airāvatasamānanaḥ ॥ 76 ॥

ōṅkāravāchya ōṅkāra ōjasvānōṣadhīpatiḥ ।
audāryanidhirauddhatyadhairya aunnatyaniḥsamaḥ ॥ 77 ॥

aṅkuśaḥ suranāgānāmaṅkuśākārasaṃsthitaḥ ।
aḥ samastavisargāntapadēṣu parikīrtitaḥ ॥ 78 ॥

kamaṇḍaludharaḥ kalpaḥ kapardī kalabhānanaḥ ।
karmasākṣī karmakartā karmākarmaphalapradaḥ ॥ 79 ॥

kadambagōlakākāraḥ kūṣmāṇḍagaṇanāyakaḥ ।
kāruṇyadēhaḥ kapilaḥ kathakaḥ kaṭisūtrabhṛt ॥ 80 ॥

kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ ।
khalvāṭaśṛṅganilayaḥ khaṭvāṅgī khadurāsadaḥ ॥ 81 ॥

guṇāḍhyō gahanō gadyō gadyapadyasudhārṇavaḥ ।
gadyagānapriyō garjō gītagīrvāṇapūrvajaḥ ॥ 82 ॥

guhyāchāraratō guhyō guhyāgamanirūpitaḥ ।
guhāśayō guḍābdhisthō gurugamyō gururguruḥ ॥ 83 ॥

ghaṇṭāghargharikāmālī ghaṭakumbhō ghaṭōdaraḥ ।
ṅakāravāchyō ṅākārō ṅakārākāraśuṇḍabhṛt ॥ 84 ॥

chaṇḍaśchaṇḍēśvaraśchaṇḍī chaṇḍēśaśchaṇḍavikramaḥ ।
charācharapitā chintāmaṇiścharvaṇalālasaḥ ॥ 85 ॥

ChandaśChandōdbhavaśChandō durlakṣyaśChandavigrahaḥ ।
jagadyōnirjagatsākṣī jagadīśō jaganmayaḥ ॥ 86 ॥

japyō japaparō jāpyō jihvāsiṃhāsanaprabhuḥ ।
sravadgaṇḍōllasaddhānajhaṅkāribhramarākulaḥ ॥ 87 ॥

ṭaṅkārasphārasaṃrāvaṣṭaṅkāramaṇinūpuraḥ ।
ṭhadvayīpallavāntasthasarvamantrēṣu siddhidaḥ ॥ 88 ॥

ḍiṇḍimuṇḍō ḍākinīśō ḍāmarō ḍiṇḍimapriyaḥ ।
ḍhakkāninādamuditō ḍhauṅkō ḍhuṇḍhivināyakaḥ ॥ 89 ॥

tattvānāṃ prakṛtistattvaṃ tattvampadanirūpitaḥ ।
tārakāntarasaṃsthānastārakastārakāntakaḥ ॥ 90 ॥

sthāṇuḥ sthāṇupriyaḥ sthātā sthāvaraṃ jaṅgamaṃ jagat ।
dakṣayajñapramathanō dātā dānaṃ damō dayā ॥ 91 ॥

dayāvāndivyavibhavō daṇḍabhṛddaṇḍanāyakaḥ ।
dantaprabhinnābhramālō daityavāraṇadāraṇaḥ ॥ 92 ॥

daṃṣṭrālagnadvīpaghaṭō dēvārthanṛgajākṛtiḥ ।
dhanaṃ dhanapatērbandhurdhanadō dharaṇīdharaḥ ॥ 93 ॥

dhyānaikaprakaṭō dhyēyō dhyānaṃ dhyānaparāyaṇaḥ ।
dhvaniprakṛtichītkārō brahmāṇḍāvalimēkhalaḥ ॥ 94 ॥

nandyō nandipriyō nādō nādamadhyapratiṣṭhitaḥ ।
niṣkalō nirmalō nityō nityānityō nirāmayaḥ ॥ 95 ॥

paraṃ vyōma paraṃ dhāma paramātmā paraṃ padam ॥ 96 ॥

parātparaḥ paśupatiḥ paśupāśavimōchanaḥ ।
pūrṇānandaḥ parānandaḥ purāṇapuruṣōttamaḥ ॥ 97 ॥

padmaprasannavadanaḥ praṇatājñānanāśanaḥ ।
pramāṇapratyayātītaḥ praṇatārtinivāraṇaḥ ॥ 98 ॥

phaṇihastaḥ phaṇipatiḥ phūtkāraḥ phaṇitapriyaḥ ।
bāṇārchitāṅghriyugalō bālakēlikutūhalī ।
brahma brahmārchitapadō brahmachārī bṛhaspatiḥ ॥ 99 ॥

bṛhattamō brahmaparō brahmaṇyō brahmavitpriyaḥ ।
bṛhannādāgryachītkārō brahmāṇḍāvalimēkhalaḥ ॥ 100 ॥

bhrūkṣēpadattalakṣmīkō bhargō bhadrō bhayāpahaḥ ।
bhagavān bhaktisulabhō bhūtidō bhūtibhūṣaṇaḥ ॥ 101 ॥

bhavyō bhūtālayō bhōgadātā bhrūmadhyagōcharaḥ ।
mantrō mantrapatirmantrī madamattō manō mayaḥ ॥ 102 ॥

mēkhalāhīśvarō mandagatirmandanibhēkṣaṇaḥ ।
mahābalō mahāvīryō mahāprāṇō mahāmanāḥ ॥ 103 ॥

yajñō yajñapatiryajñagōptā yajñaphalapradaḥ ।
yaśaskarō yōgagamyō yājñikō yājakapriyaḥ ॥ 104 ॥

rasō rasapriyō rasyō rañjakō rāvaṇārchitaḥ ।
rājyarakṣākarō ratnagarbhō rājyasukhapradaḥ ॥ 105 ॥

lakṣō lakṣapatirlakṣyō layasthō laḍḍukapriyaḥ ।
lāsapriyō lāsyaparō lābhakṛllōkaviśrutaḥ ॥ 106 ॥

varēṇyō vahnivadanō vandyō vēdāntagōcharaḥ ।
vikartā viśvataśchakṣurvidhātā viśvatōmukhaḥ ॥ 107 ॥

vāmadēvō viśvanētā vajrivajranivāraṇaḥ ।
vivasvadbandhanō viśvādhārō viśvēśvarō vibhuḥ ॥ 108 ॥

śabdabrahma śamaprāpyaḥ śambhuśaktigaṇēśvaraḥ ।
śāstā śikhāgranilayaḥ śaraṇyaḥ śambarēśvaraḥ ॥ 109 ॥

ṣaḍṛtukusumasragvī ṣaḍādhāraḥ ṣaḍakṣaraḥ ।
saṃsāravaidyaḥ sarvajñaḥ sarvabhēṣajabhēṣajam ॥ 110 ॥

sṛṣṭisthitilayakrīḍaḥ surakuñjarabhēdakaḥ ।
sindūritamahākumbhaḥ sadasadbhaktidāyakaḥ ॥ 111 ॥

sākṣī samudramathanaḥ svayaṃvēdyaḥ svadakṣiṇaḥ ।
svatantraḥ satyasaṅkalpaḥ sāmagānarataḥ sukhī ॥ 112 ॥

haṃsō hastipiśāchīśō havanaṃ havyakavyabhuk ।
havyaṃ hutapriyō hṛṣṭō hṛllēkhāmantramadhyagaḥ ॥ 113 ॥

kṣētrādhipaḥ kṣamābhartā kṣamākṣamaparāyaṇaḥ ।
kṣiprakṣēmakaraḥ kṣēmānandaḥ kṣōṇīsuradrumaḥ ॥ 114 ॥

dharmapradō'rthadaḥ kāmadātā saubhāgyavardhanaḥ ।
vidyāpradō vibhavadō bhuktimuktiphalapradaḥ ॥ 115 ॥

ābhirūpyakarō vīraśrīpradō vijayapradaḥ ।
sarvavaśyakarō garbhadōṣahā putrapautradaḥ ॥ 116 ॥

mēdhādaḥ kīrtidaḥ śōkahārī daurbhāgyanāśanaḥ ।
prativādimukhastambhō ruṣṭachittaprasādanaḥ ॥ 117 ॥

parābhichāraśamanō duḥkhahā bandhamōkṣadaḥ ।
lavastruṭiḥ kalā kāṣṭhā nimēṣastatparakṣaṇaḥ ॥ 118 ॥

ghaṭī muhūrtaḥ praharō divā naktamaharniśam ।
pakṣō māsartvayanābdayugaṃ kalpō mahālayaḥ ॥ 119 ॥

rāśistārā tithiryōgō vāraḥ karaṇamaṃśakam ।
lagnaṃ hōrā kālachakraṃ mēruḥ saptarṣayō dhruvaḥ ॥ 120 ॥

rāhurmandaḥ kavirjīvō budhō bhaumaḥ śaśī raviḥ ।
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat ॥ 121 ॥

bhūrāpō'gnirmarudvyōmāhaṅkṛtiḥ prakṛtiḥ pumān ।
brahmā viṣṇuḥ śivō rudra īśaḥ śaktiḥ sadāśivaḥ ॥ 122 ॥

tridaśāḥ pitaraḥ siddhā yakṣā rakṣāṃsi kinnarāḥ ।
siddhavidyādharā bhūtā manuṣyāḥ paśavaḥ khagāḥ ॥ 123 ॥

samudrāḥ saritaḥ śailā bhūtaṃ bhavyaṃ bhavōdbhavaḥ ।
sāṅkhyaṃ pātañjalaṃ yōgaṃ purāṇāni śrutiḥ smṛtiḥ ॥ 124 ॥

vēdāṅgāni sadāchārō mīmāṃsā nyāyavistaraḥ ।
āyurvēdō dhanurvēdō gāndharvaṃ kāvyanāṭakam ॥ 125 ॥

vaikhānasaṃ bhāgavataṃ mānuṣaṃ pāñcharātrakam ।
śaivaṃ pāśupataṃ kālāmukhambhairavaśāsanam ॥ 126 ॥

śāktaṃ vaināyakaṃ sauraṃ jainamārhatasaṃhitā ।
sadasadvyaktamavyaktaṃ sachētanamachētanam ॥ 127 ॥

bandhō mōkṣaḥ sukhaṃ bhōgō yōgaḥ satyamaṇurmahān ।
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ॥

jñānaṃ vijñānamānandō bōdhaḥ saṃvitsamō'samaḥ ।
ēka ēkākṣarādhāra ēkākṣaraparāyaṇaḥ ॥ 129 ॥

ēkāgradhīrēkavīra ēkō'nēkasvarūpadhṛk ।
dvirūpō dvibhujō dvyakṣō dviradō dvīparakṣakaḥ ॥ 130 ॥

dvaimāturō dvivadanō dvandvahīnō dvayātigaḥ ।
tridhāmā trikarastrētā trivargaphaladāyakaḥ ॥ 131 ॥

triguṇātmā trilōkādistriśaktīśastrilōchanaḥ ।
chaturvidhavachōvṛttiparivṛttipravartakaḥ ॥ 132 ॥

chaturbāhuśchaturdantaśchaturātmā chaturbhujaḥ ।
chaturvidhōpāyamayaśchaturvarṇāśramāśrayaḥ 133 ॥

chaturthīpūjanaprītaśchaturthītithisambhavaḥ ॥
pañchākṣarātmā pañchātmā pañchāsyaḥ pañchakṛttamaḥ ॥ 134 ॥

pañchādhāraḥ pañchavarṇaḥ pañchākṣaraparāyaṇaḥ ।
pañchatālaḥ pañchakaraḥ pañchapraṇavamātṛkaḥ ॥ 135 ॥

pañchabrahmamayasphūrtiḥ pañchāvaraṇavāritaḥ ।
pañchabhakṣapriyaḥ pañchabāṇaḥ pañchaśikhātmakaḥ ॥ 136 ॥

ṣaṭkōṇapīṭhaḥ ṣaṭchakradhāmā ṣaḍgranthibhēdakaḥ ।
ṣaḍaṅgadhvāntavidhvaṃsī ṣaḍaṅgulamahāhradaḥ ॥ 137 ॥

ṣaṇmukhaḥ ṣaṇmukhabhrātā ṣaṭśaktiparivāritaḥ ।
ṣaḍvairivargavidhvaṃsī ṣaḍūrmibhayabhañjanaḥ ॥ 138 ॥

ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ ।
saptapātālacharaṇaḥ saptadvīpōrumaṇḍalaḥ ॥ 139 ॥

saptasvarlōkamukuṭaḥ saptasaptivarapradaḥ ।
saptāṅgarājyasukhadaḥ saptarṣigaṇavanditaḥ ॥ 140 ॥

saptachChandōnidhiḥ saptahōtraḥ saptasvarāśrayaḥ ।
saptābdhikēlikāsāraḥ saptamātṛniṣēvitaḥ ॥ 141 ॥

saptachChandō mōdamadaḥ saptachChandō makhaprabhuḥ ।
aṣṭamūrtirdhyēyamūrtiraṣṭaprakṛtikāraṇam ॥ 142 ॥

aṣṭāṅgayōgaphalabhṛdaṣṭapatrāmbujāsanaḥ ।
aṣṭaśaktisamānaśrīraṣṭaiśvaryapravardhanaḥ ॥ 143 ॥

aṣṭapīṭhōpapīṭhaśrīraṣṭamātṛsamāvṛtaḥ ।
aṣṭabhairavasēvyō'ṣṭavasuvandyō'ṣṭamūrtibhṛt ॥ 144 ॥

aṣṭachakrasphuranmūrtiraṣṭadravyahaviḥpriyaḥ ।
aṣṭaśrīraṣṭasāmaśrīraṣṭaiśvaryapradāyakaḥ ।
navanāgāsanādhyāsī navanidhyanuśāsitaḥ ॥ 145 ॥

navadvārapurāvṛttō navadvāranikētanaḥ ।
navanāthamahānāthō navanāgavibhūṣitaḥ ॥ 146 ॥

navanārāyaṇastulyō navadurgāniṣēvitaḥ ।
navaratnavichitrāṅgō navaśaktiśirōddhṛtaḥ ॥ 147 ॥

daśātmakō daśabhujō daśadikpativanditaḥ ।
daśādhyāyō daśaprāṇō daśēndriyaniyāmakaḥ ॥ 148 ॥

daśākṣaramahāmantrō daśāśāvyāpivigrahaḥ ।
ēkādaśamahārudraiḥstutaśchaikādaśākṣaraḥ ॥ 149 ॥

dvādaśadvidaśāṣṭādidōrdaṇḍāstranikētanaḥ ।
trayōdaśabhidābhinnō viśvēdēvādhidaivatam ॥ 150 ॥

chaturdaśēndravaradaśchaturdaśamanuprabhuḥ ।
chaturdaśādyavidyāḍhyaśchaturdaśajagatpatiḥ ॥ 151 ॥

sāmapañchadaśaḥ pañchadaśīśītāṃśunirmalaḥ ।
tithipañchadaśākārastithyā pañchadaśārchitaḥ ॥ 152 ॥

ṣōḍaśādhāranilayaḥ ṣōḍaśasvaramātṛkaḥ ।
ṣōḍaśāntapadāvāsaḥ ṣōḍaśēndukalātmakaḥ ॥ 153 ॥

kalāsaptadaśī saptadaśasaptadaśākṣaraḥ ।
aṣṭādaśadvīpapatiraṣṭādaśapurāṇakṛt ॥ 154 ॥

aṣṭādaśauṣadhīsṛṣṭiraṣṭādaśavidhiḥ smṛtaḥ ।
aṣṭādaśalipivyaṣṭisamaṣṭijñānakōvidaḥ ॥ 155 ॥

aṣṭādaśānnasampattiraṣṭādaśavijātikṛt ।
ēkaviṃśaḥ pumānēkaviṃśatyaṅgulipallavaḥ ॥ 156 ॥

chaturviṃśatitattvātmā pañchaviṃśākhyapūruṣaḥ ।
saptaviṃśatitārēśaḥ saptaviṃśatiyōgakṛt ॥ 157 ॥

dvātriṃśadbhairavādhīśaśchatustriṃśanmahāhradaḥ ।
ṣaṭtriṃśattattvasambhūtiraṣṭatriṃśatkalātmakaḥ ॥ 158 ॥

pañchāśadviṣṇuśaktīśaḥ pañchāśanmātṛkālayaḥ ।
dvipañchāśadvapuḥśrēṇītriṣaṣṭyakṣarasaṃśrayaḥ ।
pañchāśadakṣaraśrēṇīpañchāśadrudravigrahaḥ ॥ 159 ॥

chatuḥṣaṣṭimahāsiddhiyōginīvṛndavanditaḥ ।
namadēkōnapañchāśanmarudvarganirargalaḥ ॥ 160 ॥

chatuḥṣaṣṭyarthanirṇētā chatuḥṣaṣṭikalānidhiḥ ।
aṣṭaṣaṣṭimahātīrthakṣētrabhairavavanditaḥ ॥ 161 ॥

chaturnavatimantrātmā ṣaṇṇavatyadhikaprabhuḥ ।
śatānandaḥ śatadhṛtiḥ śatapatrāyatēkṣaṇaḥ ॥ 162 ॥

śatānīkaḥ śatamakhaḥ śatadhārāvarāyudhaḥ ।
sahasrapatranilayaḥ sahasraphaṇibhūṣaṇaḥ ॥ 163 ॥

sahasraśīrṣā puruṣaḥ sahasrākṣaḥ sahasrapāt ।
sahasranāmasaṃstutyaḥ sahasrākṣabalāpahaḥ ॥ 164 ॥

daśasāhasraphaṇibhṛtphaṇirājakṛtāsanaḥ ।
aṣṭāśītisahasrādyamaharṣistōtrapāṭhitaḥ ॥ 165 ॥

lakṣādhāraḥ priyādhārō lakṣādhāramanōmayaḥ ।
chaturlakṣajapaprītaśchaturlakṣaprakāśakaḥ ॥ 166 ॥

chaturaśītilakṣāṇāṃ jīvānāṃ dēhasaṃsthitaḥ ।
kōṭisūryapratīkāśaḥ kōṭichandrāṃśunirmalaḥ ॥ 167 ॥

śivōdbhavādyaṣṭakōṭivaināyakadhurandharaḥ ।
saptakōṭimahāmantramantritāvayavadyutiḥ ॥ 168 ॥

trayastriṃśatkōṭisuraśrēṇīpraṇatapādukaḥ ।
anantadēvatāsēvyō hyanantaśubhadāyakaḥ ॥ 169 ॥

anantanāmānantaśrīranantō'nantasaukhyadaḥ ।
anantaśaktisahitō hyanantamunisaṃstutaḥ ॥ 170 ॥

iti vaināyakaṃ nāmnāṃ sahasramidamīritam ।
idaṃ brāhmē muhūrtē yaḥ paṭhati pratyahaṃ naraḥ ॥ 171 ॥

karasthaṃ tasya sakalamaihikāmuṣmikaṃ sukham ।
āyurārōgyamaiśvaryaṃ dhairyaṃ śauryaṃ balaṃ yaśaḥ ॥ 172 ॥

mēdhā prajñā dhṛtiḥ kāntiḥ saubhāgyamabhirūpatā ।
satyaṃ dayā kṣamā śāntirdākṣiṇyaṃ dharmaśīlatā ॥ 173 ॥

jagatsaṃvananaṃ viśvasaṃvādō vēdapāṭavam ।
sabhāpāṇḍityamaudāryaṃ gāmbhīryaṃ brahmavarchasam ॥ 174 ॥

ōjastējaḥ kulaṃ śīlaṃ pratāpō vīryamāryatā ।
jñānaṃ vijñānamāstikyaṃ sthairyaṃ viśvāsatā tathā ॥ 175 ॥

dhanadhānyādivṛddhiścha sakṛdasya japādbhavēt ।
vaśyaṃ chaturvidhaṃ viśvaṃ japādasya prajāyatē ॥ 176 ॥

rājñō rājakalatrasya rājaputrasya mantriṇaḥ ।
japyatē yasya vaśyārthē sa dāsastasya jāyatē ॥ 177 ॥

dharmārthakāmamōkṣāṇāmanāyāsēna sādhanam ।
śākinīḍākinīrakṣōyakṣagrahabhayāpaham ॥ 178 ॥

sāmrājyasukhadaṃ sarvasapatnamadamardanam ।
samastakalahadhvaṃsi dagdhabījaprarōhaṇam ॥ 179 ॥

duḥsvapnaśamanaṃ kruddhasvāmichittaprasādanam ।
ṣaḍvargāṣṭamahāsiddhitrikālajñānakāraṇam ॥ 180 ॥

parakṛtyapraśamanaṃ parachakrapramardanam ।
saṅgrāmamārgē savēṣāmidamēkaṃ jayāvaham ॥ 181 ॥

sarvavandhyatvadōṣaghnaṃ garbharakṣaikakāraṇam ।
paṭhyatē pratyahaṃ yatra stōtraṃ gaṇapatēridam ॥ 182 ॥

dēśē tatra na durbhikṣamītayō duritāni cha ।
na tadgēhaṃ jahāti śrīryatrāyaṃ japyatē stavaḥ ॥ 183 ॥

kṣayakuṣṭhapramēhārśabhagandaraviṣūchikāḥ ।
gulmaṃ plīhānamaśamānamatisāraṃ mahōdaram ॥ 184 ॥

kāsaṃ śvāsamudāvartaṃ śūlaṃ śōphāmayōdaram ।
śirōrōgaṃ vamiṃ hikkāṃ gaṇḍamālāmarōchakam ॥ 185 ॥

vātapittakaphadvandvatridōṣajanitajvaram ।
āgantuviṣamaṃ śītamuṣṇaṃ chaikāhikādikam ॥ 186 ॥

ityādyuktamanuktaṃ vā rōgadōṣādisambhavam ।
sarvaṃ praśamayatyāśu stōtrasyāsya sakṛjjapaḥ ॥ 187 ॥

prāpyatē'sya japātsiddhiḥ strīśūdraiḥ patitairapi ।
sahasranāmamantrō'yaṃ japitavyaḥ śubhāptayē ॥ 188 ॥

mahāgaṇapatēḥ stōtraṃ sakāmaḥ prajapannidam ।
ichChayā sakalān bhōgānupabhujyēha pārthivān ॥ 189 ॥

manōrathaphalairdivyairvyōmayānairmanōramaiḥ ।
chandrēndrabhāskarōpēndrabrahmaśarvādisadmasu ॥ 190 ॥

kāmarūpaḥ kāmagatiḥ kāmadaḥ kāmadēśvaraḥ ।
bhuktvā yathēpsitānbhōgānabhīṣṭaiḥ saha bandhubhiḥ ॥ 191 ॥

gaṇēśānucharō bhūtvā gaṇō gaṇapatipriyaḥ ।
nandīśvarādisānandairnanditaḥ sakalairgaṇaiḥ ॥ 192 ॥

śivābhyāṃ kṛpayā putranirviśēṣaṃ cha lālitaḥ ।
śivabhaktaḥ pūrṇakāmō gaṇēśvaravarātpunaḥ ॥ 193 ॥

jātismarō dharmaparaḥ sārvabhaumō'bhijāyatē ।
niṣkāmastu japannityaṃ bhaktyā vighnēśatatparaḥ ॥ 194 ॥

yōgasiddhiṃ parāṃ prāpya jñānavairāgyasaṃyutaḥ ।
nirantarē nirābādhē paramānandasañjñitē ॥ 195 ॥

viśvōttīrṇē parē pūrṇē punarāvṛttivarjitē ।
līnō vaināyakē dhāmni ramatē nityanirvṛtē ॥ 196 ॥

yō nāmabhirhutairdattaiḥ pūjayēdarchayē​​ēnnaraḥ ।
rājānō vaśyatāṃ yānti ripavō yānti dāsatām ॥ 197 ॥

tasya sidhyanti mantrāṇāṃ durlabhāśchēṣṭasiddhayaḥ ।
mūlamantrādapi stōtramidaṃ priyatamaṃ mama ॥ 198 ॥

nabhasyē māsi śuklāyāṃ chaturthyāṃ mama janmani ।
dūrvābhirnāmabhiḥ pūjāṃ tarpaṇaṃ vidhivachcharēt ॥ 199 ॥

aṣṭadravyairviśēṣēṇa kuryādbhaktisusaṃyutaḥ ।
tasyēpsitaṃ dhanaṃ dhānyamaiśvaryaṃ vijayō yaśaḥ ॥ 200 ॥

bhaviṣyati na sandēhaḥ putrapautrādikaṃ sukham ।
idaṃ prajapitaṃ stōtraṃ paṭhitaṃ śrāvitaṃ śrutam ॥ 201 ॥

vyākṛtaṃ charchitaṃ dhyātaṃ vimṛṣṭamabhivanditam ।
ihāmutra cha viśvēṣāṃ viśvaiśvaryapradāyakam ॥ 202 ॥

svachChandachāriṇāpyēṣa yēna sandhāryatē stavaḥ ।
sa rakṣyatē śivōdbhūtairgaṇairadhyaṣṭakōṭibhiḥ ॥ 203 ॥

likhitaṃ pustakastōtraṃ mantrabhūtaṃ prapūjayēt ।
tatra sarvōttamā lakṣmīḥ sannidhattē nirantaram ॥ 204 ॥

dānairaśēṣairakhilairvrataiścha tīrthairaśēṣairakhilairmakhaiścha ।
na tatphalaṃ vindati yadgaṇēśasahasranāmasmaraṇēna sadyaḥ ॥ 205 ॥

ētannāmnāṃ sahasraṃ paṭhati dinamaṇau pratyahamprōjjihānē
sāyaṃ madhyandinē vā triṣavaṇamathavā santataṃ vā janō yaḥ ।
sa syādaiśvaryadhuryaḥ prabhavati vachasāṃ kīrtimuchchaistanōti
dāridryaṃ hanti viśvaṃ vaśayati suchiraṃ vardhatē putrapautraiḥ ॥ 206 ॥

akiñchanōpyēkachittō niyatō niyatāsanaḥ ।
prajapaṃśchaturō māsān gaṇēśārchanatatparaḥ ॥ 207 ॥

daridratāṃ samunmūlya saptajanmānugāmapi ।
labhatē mahatīṃ lakṣmīmityājñā pāramēśvarī ॥ 208 ॥

āyuṣyaṃ vītarōgaṃ kulamativimalaṃ sampadaśchārtināśaḥ
kīrtirnityāvadātā bhavati khalu navā kāntiravyājabhavyā ।
putrāḥ santaḥ kalatraṃ guṇavadabhimataṃ yadyadanyachcha tatta -
nnityaṃ yaḥ stōtramētat paṭhati gaṇapatēstasya hastē samastam ॥ 209 ॥

gaṇañjayō gaṇapatirhērambō dharaṇīdharaḥ ।
mahāgaṇapatirbuddhipriyaḥ kṣipraprasādanaḥ ॥ 210 ॥

amōghasiddhiramṛtamantraśchintāmaṇirnidhiḥ ।
sumaṅgalō bījamāśāpūrakō varadaḥ kalaḥ ॥ 211 ॥

kāśyapō nandanō vāchāsiddhō ḍhuṇḍhirvināyakaḥ ।
mōdakairēbhiratraikaviṃśatyā nāmabhiḥ pumān ॥ 212 ॥

upāyanaṃ dadēdbhaktyā matprasādaṃ chikīrṣati ।
vatsaraṃ vighnarājō'sya tathyamiṣṭārthasiddhayē ॥ 213 ॥

yaḥ stauti madgatamanā mamārādhanatatparaḥ ।
stutō nāmnā sahasrēṇa tēnāhaṃ nātra saṃśayaḥ ॥ 214 ॥

namō namaḥ suravarapūjitāṅghrayē
namō namō nirupamamaṅgalātmanē ।
namō namō vipuladayaikasiddhayē
namō namaḥ karikalabhānanāya tē ॥ 215 ॥

kiṅkiṇīgaṇarachitacharaṇaḥ
prakaṭitagurumitachārukaraṇaḥ ।
madajalalaharīkalitakapōlaḥ
śamayatu duritaṃ gaṇapatināmnā ॥ 216 ॥

॥ iti śrīgaṇēśapurāṇē upāsanākhaṇḍē īśvaragaṇēśasaṃvādē
gaṇēśasahasranāmastōtraṃ nāma ṣaṭchatvāriṃśōdhyāyaḥ ॥

Telugu Version

మహా గణపతి సహస్రనామ స్తోత్రం

మునిరువాచ
కథం నామ్నాం సహస్రం తం గణేశ ఉపదిష్టవాన్ ।
శివదం తన్మమాచక్ష్వ లోకానుగ్రహతత్పర ॥ 1 ॥

బ్రహ్మోవాచ
దేవః పూర్వం పురారాతిః పురత్రయజయోద్యమే ।
అనర్చనాద్గణేశస్య జాతో విఘ్నాకులః కిల ॥ 2 ॥

మనసా స వినిర్ధార్య దదృశే విఘ్నకారణమ్ ।
మహాగణపతిం భక్త్యా సమభ్యర్చ్య యథావిధి ॥ 3 ॥

విఘ్నప్రశమనోపాయమపృచ్ఛదపరిశ్రమమ్ ।
సంతుష్టః పూజయా శంభోర్మహాగణపతిః స్వయం ॥ 4 ॥

సర్వవిఘ్నప్రశమనం సర్వకామఫలప్రదమ్ ।
తతస్తస్మై స్వయం నామ్నాం సహస్రమిదమబ్రవీత్ ॥ 5 ॥

అస్య శ్రీమహాగణపతిసహస్రనామస్తోత్రమాలామంత్రస్య ।
గణేశ ఋషిః, మహాగణపతిర్దేవతా, నానావిధానిచ్ఛందాంసి ।
హుమితి బీజం, తుంగమితి శక్తిః, స్వాహాశక్తిరితి కీలకమ్ ।
సకలవిఘ్నవినాశనద్వారా శ్రీమహాగణపతిప్రసాదసిద్ధ్యర్థే జపే వినియోగః ।

అథ కరన్యాసః
గణేశ్వరో గణక్రీడ ఇత్యంగుష్ఠాభ్యాం నమః ।
కుమారగురురీశాన ఇతి తర్జనీభ్యాం నమః ॥
బ్రహ్మాండకుంభశ్చిద్వ్యోమేతి మధ్యమాభ్యాం నమః ।
రక్తో రక్తాంబరధర ఇత్యనామికాభ్యాం నమః
సర్వసద్గురుసంసేవ్య ఇతి కనిష్ఠికాభ్యాం నమః ।
లుప్తవిఘ్నః స్వభక్తానామితి కరతలకరపృష్ఠాభ్యాం నమః ॥

అథ అంగన్యాసః
ఛందశ్ఛందోద్భవ ఇతి హృదయాయ నమః ।
నిష్కలో నిర్మల ఇతి శిరసే స్వాహా ।
సృష్టిస్థితిలయక్రీడ ఇతి శిఖాయై వషట్ ।
జ్ఞానం విజ్ఞానమానంద ఇతి కవచాయ హుమ్ ।
అష్టాంగయోగఫలభృదితి నేత్రత్రయాయ వౌషట్ ।
అనంతశక్తిసహిత ఇత్యస్త్రాయ ఫట్ ।
భూర్భువః స్వరోం ఇతి దిగ్బంధః ।

అథ ధ్యానం
గజవదనమచింత్యం తీక్ష్ణదంష్ట్రం త్రినేత్రం
బృహదుదరమశేషం భూతిరాజం పురాణమ్ ।
అమరవరసుపూజ్యం రక్తవర్ణం సురేశం
పశుపతిసుతమీశం విఘ్నరాజం నమామి ॥

శ్రీగణపతిరువాచ
ఓం గణేశ్వరో గణక్రీడో గణనాథో గణాధిపః ।
ఏకదంతో వక్రతుండో గజవక్త్రో మహోదరః ॥ 1 ॥

లంబోదరో ధూమ్రవర్ణో వికటో విఘ్ననాశనః ।
సుముఖో దుర్ముఖో బుద్ధో విఘ్నరాజో గజాననః ॥ 2 ॥

భీమః ప్రమోద ఆమోదః సురానందో మదోత్కటః ।
హేరంబః శంబరః శంభుర్లంబకర్ణో మహాబలః ॥ 3 ॥

నందనో లంపటో భీమో మేఘనాదో గణంజయః ।
వినాయకో విరూపాక్షో వీరః శూరవరప్రదః ॥ 4 ॥

మహాగణపతిర్బుద్ధిప్రియః క్షిప్రప్రసాదనః ।
రుద్రప్రియో గణాధ్యక్ష ఉమాపుత్రోఽఘనాశనః ॥ 5 ॥

కుమారగురురీశానపుత్రో మూషకవాహనః ।
సిద్ధిప్రియః సిద్ధిపతిః సిద్ధః సిద్ధివినాయకః ॥ 6 ॥

అవిఘ్నస్తుంబురుః సింహవాహనో మోహినీప్రియః ।
కటంకటో రాజపుత్రః శాకలః సంమితోమితః ॥ 7 ॥

కూష్మాండసామసంభూతిర్దుర్జయో ధూర్జయో జయః ।
భూపతిర్భువనపతిర్భూతానాం పతిరవ్యయః ॥ 8 ॥

విశ్వకర్తా విశ్వముఖో విశ్వరూపో నిధిర్గుణః ।
కవిః కవీనామృషభో బ్రహ్మణ్యో బ్రహ్మవిత్ప్రియః ॥ 9 ॥

జ్యేష్ఠరాజో నిధిపతిర్నిధిప్రియపతిప్రియః ।
హిరణ్మయపురాంతఃస్థః సూర్యమండలమధ్యగః ॥ 10 ॥

కరాహతిధ్వస్తసింధుసలిలః పూషదంతభిత్ ।
ఉమాంకకేలికుతుకీ ముక్తిదః కులపావనః ॥ 11 ॥

కిరీటీ కుండలీ హారీ వనమాలీ మనోమయః ।
వైముఖ్యహతదైత్యశ్రీః పాదాహతిజితక్షితిః ॥ 12 ॥

సద్యోజాతః స్వర్ణముంజమేఖలీ దుర్నిమిత్తహృత్ ।
దుఃస్వప్నహృత్ప్రసహనో గుణీ నాదప్రతిష్ఠితః ॥ 13 ॥

సురూపః సర్వనేత్రాధివాసో వీరాసనాశ్రయః ।
పీతాంబరః ఖండరదః ఖండవైశాఖసంస్థితః ॥ 14 ॥

చిత్రాంగః శ్యామదశనో భాలచంద్రో హవిర్భుజః ।
యోగాధిపస్తారకస్థః పురుషో గజకర్ణకః ॥ 15 ॥

గణాధిరాజో విజయః స్థిరో గజపతిధ్వజీ ।
దేవదేవః స్మరః ప్రాణదీపకో వాయుకీలకః ॥ 16 ॥

విపశ్చిద్వరదో నాదో నాదభిన్నమహాచలః ।
వరాహరదనో మృత్యుంజయో వ్యాఘ్రాజినాంబరః ॥ 17 ॥

ఇచ్ఛాశక్తిభవో దేవత్రాతా దైత్యవిమర్దనః ।
శంభువక్త్రోద్భవః శంభుకోపహా శంభుహాస్యభూః ॥ 18 ॥

శంభుతేజాః శివాశోకహారీ గౌరీసుఖావహః ।
ఉమాంగమలజో గౌరీతేజోభూః స్వర్ధునీభవః ॥ 19 ॥

యజ్ఞకాయో మహానాదో గిరివర్ష్మా శుభాననః ।
సర్వాత్మా సర్వదేవాత్మా బ్రహ్మమూర్ధా కకుప్శ్రుతిః ॥ 20 ॥

బ్రహ్మాండకుంభశ్చిద్వ్యోమభాలఃసత్యశిరోరుహః ।
జగజ్జన్మలయోన్మేషనిమేషోఽగ్న్యర్కసోమదృక్ ॥ 21 ॥

గిరీంద్రైకరదో ధర్మాధర్మోష్ఠః సామబృంహితః ।
గ్రహర్క్షదశనో వాణీజిహ్వో వాసవనాసికః ॥ 22 ॥

భ్రూమధ్యసంస్థితకరో బ్రహ్మవిద్యామదోదకః ।
కులాచలాంసః సోమార్కఘంటో రుద్రశిరోధరః ॥ 23 ॥

నదీనదభుజః సర్పాంగులీకస్తారకానఖః ।
వ్యోమనాభిః శ్రీహృదయో మేరుపృష్ఠోఽర్ణవోదరః ॥ 24 ॥

కుక్షిస్థయక్షగంధర్వరక్షఃకిన్నరమానుషః ।
పృథ్వీకటిః సృష్టిలింగః శైలోరుర్దస్రజానుకః ॥ 25 ॥

పాతాలజంఘో మునిపాత్కాలాంగుష్ఠస్త్రయీతనుః ।
జ్యోతిర్మండలలాంగూలో హృదయాలాననిశ్చలః ॥ 26 ॥

హృత్పద్మకర్ణికాశాలీ వియత్కేలిసరోవరః ।
సద్భక్తధ్యాననిగడః పూజావారినివారితః ॥ 27 ॥

ప్రతాపీ కాశ్యపో మంతా గణకో విష్టపీ బలీ ।
యశస్వీ ధార్మికో జేతా ప్రథమః ప్రమథేశ్వరః ॥ 28 ॥

చింతామణిర్ద్వీపపతిః కల్పద్రుమవనాలయః ।
రత్నమండపమధ్యస్థో రత్నసింహాసనాశ్రయః ॥ 29 ॥

తీవ్రాశిరోద్ధృతపదో జ్వాలినీమౌలిలాలితః ।
నందానందితపీఠశ్రీర్భోగదో భూషితాసనః ॥ 30 ॥

సకామదాయినీపీఠః స్ఫురదుగ్రాసనాశ్రయః ।
తేజోవతీశిరోరత్నం సత్యానిత్యావతంసితః ॥ 31 ॥

సవిఘ్ననాశినీపీఠః సర్వశక్త్యంబుజాలయః ।
లిపిపద్మాసనాధారో వహ్నిధామత్రయాలయః ॥ 32 ॥

ఉన్నతప్రపదో గూఢగుల్ఫః సంవృతపార్ష్ణికః ।
పీనజంఘః శ్లిష్టజానుః స్థూలోరుః ప్రోన్నమత్కటిః ॥ 33 ॥

నిమ్ననాభిః స్థూలకుక్షిః పీనవక్షా బృహద్భుజః ।
పీనస్కంధః కంబుకంఠో లంబోష్ఠో లంబనాసికః ॥ 34 ॥

భగ్నవామరదస్తుంగసవ్యదంతో మహాహనుః ।
హ్రస్వనేత్రత్రయః శూర్పకర్ణో నిబిడమస్తకః ॥ 35 ॥

స్తబకాకారకుంభాగ్రో రత్నమౌలిర్నిరంకుశః ।
సర్పహారకటీసూత్రః సర్పయజ్ఞోపవీతవాన్ ॥ 36 ॥

సర్పకోటీరకటకః సర్పగ్రైవేయకాంగదః ।
సర్పకక్షోదరాబంధః సర్పరాజోత్తరచ్ఛదః ॥ 37 ॥

రక్తో రక్తాంబరధరో రక్తమాలావిభూషణః ।
రక్తేక్షనో రక్తకరో రక్తతాల్వోష్ఠపల్లవః ॥ 38 ॥

శ్వేతః శ్వేతాంబరధరః శ్వేతమాలావిభూషణః ।
శ్వేతాతపత్రరుచిరః శ్వేతచామరవీజితః ॥ 39 ॥

సర్వావయవసంపూర్ణః సర్వలక్షణలక్షితః ।
సర్వాభరణశోభాఢ్యః సర్వశోభాసమన్వితః ॥ 40 ॥

సర్వమంగలమాంగల్యః సర్వకారణకారణమ్ ।
సర్వదేవవరః శారంగీ బీజపూరీ గదాధరః ॥ 41 ॥

శుభాంగో లోకసారంగః సుతంతుస్తంతువర్ధనః ।
కిరీటీ కుండలీ హారీ వనమాలీ శుభాంగదః ॥ 42 ॥

ఇక్షుచాపధరః శూలీ చక్రపాణిః సరోజభృత్ ।
పాశీ ధృతోత్పలః శాలిమంజరీభృత్స్వదంతభృత్ ॥ 43 ॥

కల్పవల్లీధరో విశ్వాభయదైకకరో వశీ ।
అక్షమాలాధరో జ్ఞానముద్రావాన్ ముద్గరాయుధః ॥ 44 ॥

పూర్ణపాత్రీ కంబుధరో విధృతాంకుశమూలకః ।
కరస్థామ్రఫలశ్చూతకలికాభృత్కుఠారవాన్ ॥ 45 ॥

పుష్కరస్థస్వర్ణఘటీపూర్ణరత్నాభివర్షకః ।
భారతీసుందరీనాథో వినాయకరతిప్రియః ॥ 46 ॥

మహాలక్ష్మీప్రియతమః సిద్ధలక్ష్మీమనోరమః ।
రమారమేశపూర్వాంగో దక్షిణోమామహేశ్వరః ॥ 47 ॥

మహీవరాహవామాంగో రతికందర్పపశ్చిమః ।
ఆమోదమోదజననః సప్రమోదప్రమోదనః ॥ 48 ॥

సంవర్ధితమహావృద్ధిరృద్ధిసిద్ధిప్రవర్ధనః ।
దంతసౌముఖ్యసుముఖః కాంతికందలితాశ్రయః ॥ 49 ॥

మదనావత్యాశ్రితాంఘ్రిః కృతవైముఖ్యదుర్ముఖః ।
విఘ్నసంపల్లవః పద్మః సర్వోన్నతమదద్రవః ॥ 50 ॥

విఘ్నకృన్నిమ్నచరణో ద్రావిణీశక్తిసత్కృతః ।
తీవ్రాప్రసన్ననయనో జ్వాలినీపాలితైకదృక్ ॥ 51 ॥

మోహినీమోహనో భోగదాయినీకాంతిమండనః ।
కామినీకాంతవక్త్రశ్రీరధిష్ఠితవసుంధరః ॥ 52 ॥

వసుధారామదోన్నాదో మహాశంఖనిధిప్రియః ।
నమద్వసుమతీమాలీ మహాపద్మనిధిః ప్రభుః ॥ 53 ॥

సర్వసద్గురుసంసేవ్యః శోచిష్కేశహృదాశ్రయః ।
ఈశానమూర్ధా దేవేంద్రశిఖః పవననందనః ॥ 54 ॥

ప్రత్యుగ్రనయనో దివ్యో దివ్యాస్త్రశతపర్వధృక్ ।
ఐరావతాదిసర్వాశావారణో వారణప్రియః ॥ 55 ॥

వజ్రాద్యస్త్రపరీవారో గణచండసమాశ్రయః ।
జయాజయపరికరో విజయావిజయావహః ॥ 56 ॥

అజయార్చితపాదాబ్జో నిత్యానందవనస్థితః ।
విలాసినీకృతోల్లాసః శౌండీ సౌందర్యమండితః ॥ 57 ॥

అనంతానంతసుఖదః సుమంగలసుమంగలః ।
జ్ఞానాశ్రయః క్రియాధార ఇచ్ఛాశక్తినిషేవితః ॥ 58 ॥

సుభగాసంశ్రితపదో లలితాలలితాశ్రయః ।
కామినీపాలనః కామకామినీకేలిలాలితః ॥ 59 ॥

సరస్వత్యాశ్రయో గౌరీనందనః శ్రీనికేతనః ।
గురుగుప్తపదో వాచాసిద్ధో వాగీశ్వరీపతిః ॥ 60 ॥

నలినీకాముకో వామారామో జ్యేష్ఠామనోరమః ।
రౌద్రీముద్రితపాదాబ్జో హుంబీజస్తుంగశక్తికః ॥ 61 ॥

విశ్వాదిజననత్రాణః స్వాహాశక్తిః సకీలకః ।
అమృతాబ్ధికృతావాసో మదఘూర్ణితలోచనః ॥ 62 ॥

ఉచ్ఛిష్టోచ్ఛిష్టగణకో గణేశో గణనాయకః ।
సార్వకాలికసంసిద్ధిర్నిత్యసేవ్యో దిగంబరః ॥ 63 ॥

అనపాయోఽనంతదృష్టిరప్రమేయోఽజరామరః ।
అనావిలోఽప్రతిహతిరచ్యుతోఽమృతమక్షరః ॥ 64 ॥

అప్రతర్క్యోఽక్షయోఽజయ్యోఽనాధారోఽనామయోమలః ।
అమేయసిద్ధిరద్వైతమఘోరోఽగ్నిసమాననః ॥ 65 ॥

అనాకారోఽబ్ధిభూమ్యగ్నిబలఘ్నోఽవ్యక్తలక్షణః ।
ఆధారపీఠమాధార ఆధారాధేయవర్జితః ॥ 66 ॥

ఆఖుకేతన ఆశాపూరక ఆఖుమహారథః ।
ఇక్షుసాగరమధ్యస్థ ఇక్షుభక్షణలాలసః ॥ 67 ॥

ఇక్షుచాపాతిరేకశ్రీరిక్షుచాపనిషేవితః ।
ఇంద్రగోపసమానశ్రీరింద్రనీలసమద్యుతిః ॥ 68 ॥

ఇందీవరదలశ్యామ ఇందుమండలమండితః ।
ఇధ్మప్రియ ఇడాభాగ ఇడావానిందిరాప్రియః ॥ 69 ॥

ఇక్ష్వాకువిఘ్నవిధ్వంసీ ఇతికర్తవ్యతేప్సితః ।
ఈశానమౌలిరీశాన ఈశానప్రియ ఈతిహా ॥ 70 ॥

ఈషణాత్రయకల్పాంత ఈహామాత్రవివర్జితః ।
ఉపేంద్ర ఉడుభృన్మౌలిరుడునాథకరప్రియః ॥ 71 ॥

ఉన్నతానన ఉత్తుంగ ఉదారస్త్రిదశాగ్రణీః ।
ఊర్జస్వానూష్మలమద ఊహాపోహదురాసదః ॥ 72 ॥

ఋగ్యజుఃసామనయన ఋద్ధిసిద్ధిసమర్పకః ।
ఋజుచిత్తైకసులభో ఋణత్రయవిమోచనః ॥ 73 ॥

లుప్తవిఘ్నః స్వభక్తానాం లుప్తశక్తిః సురద్విషామ్ ।
లుప్తశ్రీర్విముఖార్చానాం లూతావిస్ఫోటనాశనః ॥ 74 ॥

ఏకారపీఠమధ్యస్థ ఏకపాదకృతాసనః ।
ఏజితాఖిలదైత్యశ్రీరేధితాఖిలసంశ్రయః ॥ 75 ॥

ఐశ్వర్యనిధిరైశ్వర్యమైహికాముష్మికప్రదః ।
ఐరంమదసమోన్మేష ఐరావతసమాననః ॥ 76 ॥

ఓంకారవాచ్య ఓంకార ఓజస్వానోషధీపతిః ।
ఔదార్యనిధిరౌద్ధత్యధైర్య ఔన్నత్యనిఃసమః ॥ 77 ॥

అంకుశః సురనాగానామంకుశాకారసంస్థితః ।
అః సమస్తవిసర్గాంతపదేషు పరికీర్తితః ॥ 78 ॥

కమండలుధరః కల్పః కపర్దీ కలభాననః ।
కర్మసాక్షీ కర్మకర్తా కర్మాకర్మఫలప్రదః ॥ 79 ॥

కదంబగోలకాకారః కూష్మాండగణనాయకః ।
కారుణ్యదేహః కపిలః కథకః కటిసూత్రభృత్ ॥ 80 ॥

ఖర్వః ఖడ్గప్రియః ఖడ్గః ఖాంతాంతఃస్థః ఖనిర్మలః ।
ఖల్వాటశృంగనిలయః ఖట్వాంగీ ఖదురాసదః ॥ 81 ॥

గుణాఢ్యో గహనో గద్యో గద్యపద్యసుధార్ణవః ।
గద్యగానప్రియో గర్జో గీతగీర్వాణపూర్వజః ॥ 82 ॥

గుహ్యాచారరతో గుహ్యో గుహ్యాగమనిరూపితః ।
గుహాశయో గుడాబ్ధిస్థో గురుగమ్యో గురుర్గురుః ॥ 83 ॥

ఘంటాఘర్ఘరికామాలీ ఘటకుంభో ఘటోదరః ।
ఙకారవాచ్యో ఙాకారో ఙకారాకారశుండభృత్ ॥ 84 ॥

చండశ్చండేశ్వరశ్చండీ చండేశశ్చండవిక్రమః ।
చరాచరపితా చింతామణిశ్చర్వణలాలసః ॥ 85 ॥

ఛందశ్ఛందోద్భవశ్ఛందో దుర్లక్ష్యశ్ఛందవిగ్రహః ।
జగద్యోనిర్జగత్సాక్షీ జగదీశో జగన్మయః ॥ 86 ॥

జప్యో జపపరో జాప్యో జిహ్వాసింహాసనప్రభుః ।
స్రవద్గండోల్లసద్ధానఝంకారిభ్రమరాకులః ॥ 87 ॥

టంకారస్ఫారసంరావష్టంకారమణినూపురః ।
ఠద్వయీపల్లవాంతస్థసర్వమంత్రేషు సిద్ధిదః ॥ 88 ॥

డిండిముండో డాకినీశో డామరో డిండిమప్రియః ।
ఢక్కానినాదముదితో ఢౌంకో ఢుంఢివినాయకః ॥ 89 ॥

తత్త్వానాం ప్రకృతిస్తత్త్వం తత్త్వంపదనిరూపితః ।
తారకాంతరసంస్థానస్తారకస్తారకాంతకః ॥ 90 ॥

స్థాణుః స్థాణుప్రియః స్థాతా స్థావరం జంగమం జగత్ ।
దక్షయజ్ఞప్రమథనో దాతా దానం దమో దయా ॥ 91 ॥

దయావాందివ్యవిభవో దండభృద్దండనాయకః ।
దంతప్రభిన్నాభ్రమాలో దైత్యవారణదారణః ॥ 92 ॥

దంష్ట్రాలగ్నద్వీపఘటో దేవార్థనృగజాకృతిః ।
ధనం ధనపతేర్బంధుర్ధనదో ధరణీధరః ॥ 93 ॥

ధ్యానైకప్రకటో ధ్యేయో ధ్యానం ధ్యానపరాయణః ।
ధ్వనిప్రకృతిచీత్కారో బ్రహ్మాండావలిమేఖలః ॥ 94 ॥

నంద్యో నందిప్రియో నాదో నాదమధ్యప్రతిష్ఠితః ।
నిష్కలో నిర్మలో నిత్యో నిత్యానిత్యో నిరామయః ॥ 95 ॥

పరం వ్యోమ పరం ధామ పరమాత్మా పరం పదం ॥ 96 ॥

పరాత్పరః పశుపతిః పశుపాశవిమోచనః ।
పూర్ణానందః పరానందః పురాణపురుషోత్తమః ॥ 97 ॥

పద్మప్రసన్నవదనః ప్రణతాజ్ఞాననాశనః ।
ప్రమాణప్రత్యయాతీతః ప్రణతార్తినివారణః ॥ 98 ॥

ఫణిహస్తః ఫణిపతిః ఫూత్కారః ఫణితప్రియః ।
బాణార్చితాంఘ్రియుగలో బాలకేలికుతూహలీ ।
బ్రహ్మ బ్రహ్మార్చితపదో బ్రహ్మచారీ బృహస్పతిః ॥ 99 ॥

బృహత్తమో బ్రహ్మపరో బ్రహ్మణ్యో బ్రహ్మవిత్ప్రియః ।
బృహన్నాదాగ్ర్యచీత్కారో బ్రహ్మాండావలిమేఖలః ॥ 100 ॥

భ్రూక్షేపదత్తలక్ష్మీకో భర్గో భద్రో భయాపహః ।
భగవాన్ భక్తిసులభో భూతిదో భూతిభూషణః ॥ 101 ॥

భవ్యో భూతాలయో భోగదాతా భ్రూమధ్యగోచరః ।
మంత్రో మంత్రపతిర్మంత్రీ మదమత్తో మనో మయః ॥ 102 ॥

మేఖలాహీశ్వరో మందగతిర్మందనిభేక్షణః ।
మహాబలో మహావీర్యో మహాప్రాణో మహామనాః ॥ 103 ॥

యజ్ఞో యజ్ఞపతిర్యజ్ఞగోప్తా యజ్ఞఫలప్రదః ।
యశస్కరో యోగగమ్యో యాజ్ఞికో యాజకప్రియః ॥ 104 ॥

రసో రసప్రియో రస్యో రంజకో రావణార్చితః ।
రాజ్యరక్షాకరో రత్నగర్భో రాజ్యసుఖప్రదః ॥ 105 ॥

లక్షో లక్షపతిర్లక్ష్యో లయస్థో లడ్డుకప్రియః ।
లాసప్రియో లాస్యపరో లాభకృల్లోకవిశ్రుతః ॥ 106 ॥

వరేణ్యో వహ్నివదనో వంద్యో వేదాంతగోచరః ।
వికర్తా విశ్వతశ్చక్షుర్విధాతా విశ్వతోముఖః ॥ 107 ॥

వామదేవో విశ్వనేతా వజ్రివజ్రనివారణః ।
వివస్వద్బంధనో విశ్వాధారో విశ్వేశ్వరో విభుః ॥ 108 ॥

శబ్దబ్రహ్మ శమప్రాప్యః శంభుశక్తిగణేశ్వరః ।
శాస్తా శిఖాగ్రనిలయః శరణ్యః శంబరేశ్వరః ॥ 109 ॥

షడృతుకుసుమస్రగ్వీ షడాధారః షడక్షరః ।
సంసారవైద్యః సర్వజ్ఞః సర్వభేషజభేషజం ॥ 110 ॥

సృష్టిస్థితిలయక్రీడః సురకుంజరభేదకః ।
సిందూరితమహాకుంభః సదసద్భక్తిదాయకః ॥ 111 ॥

సాక్షీ సముద్రమథనః స్వయంవేద్యః స్వదక్షిణః ।
స్వతంత్రః సత్యసంకల్పః సామగానరతః సుఖీ ॥ 112 ॥

హంసో హస్తిపిశాచీశో హవనం హవ్యకవ్యభుక్ ।
హవ్యం హుతప్రియో హృష్టో హృల్లేఖామంత్రమధ్యగః ॥ 113 ॥

క్షేత్రాధిపః క్షమాభర్తా క్షమాక్షమపరాయణః ।
క్షిప్రక్షేమకరః క్షేమానందః క్షోణీసురద్రుమః ॥ 114 ॥

ధర్మప్రదోఽర్థదః కామదాతా సౌభాగ్యవర్ధనః ।
విద్యాప్రదో విభవదో భుక్తిముక్తిఫలప్రదః ॥ 115 ॥

ఆభిరూప్యకరో వీరశ్రీప్రదో విజయప్రదః ।
సర్వవశ్యకరో గర్భదోషహా పుత్రపౌత్రదః ॥ 116 ॥

మేధాదః కీర్తిదః శోకహారీ దౌర్భాగ్యనాశనః ।
ప్రతివాదిముఖస్తంభో రుష్టచిత్తప్రసాదనః ॥ 117 ॥

పరాభిచారశమనో దుఃఖహా బంధమోక్షదః ।
లవస్త్రుటిః కలా కాష్ఠా నిమేషస్తత్పరక్షణః ॥ 118 ॥

ఘటీ ముహూర్తః ప్రహరో దివా నక్తమహర్నిశమ్ ।
పక్షో మాసర్త్వయనాబ్దయుగం కల్పో మహాలయః ॥ 119 ॥

రాశిస్తారా తిథిర్యోగో వారః కరణమంశకమ్ ।
లగ్నం హోరా కాలచక్రం మేరుః సప్తర్షయో ధ్రువః ॥ 120 ॥

రాహుర్మందః కవిర్జీవో బుధో భౌమః శశీ రవిః ।
కాలః సృష్టిః స్థితిర్విశ్వం స్థావరం జంగమం జగత్ ॥ 121 ॥

భూరాపోఽగ్నిర్మరుద్వ్యోమాహంకృతిః ప్రకృతిః పుమాన్ ।
బ్రహ్మా విష్ణుః శివో రుద్ర ఈశః శక్తిః సదాశివః ॥ 122 ॥

త్రిదశాః పితరః సిద్ధా యక్షా రక్షాంసి కిన్నరాః ।
సిద్ధవిద్యాధరా భూతా మనుష్యాః పశవః ఖగాః ॥ 123 ॥

సముద్రాః సరితః శైలా భూతం భవ్యం భవోద్భవః ।
సాంఖ్యం పాతంజలం యోగం పురాణాని శ్రుతిః స్మృతిః ॥ 124 ॥

వేదాంగాని సదాచారో మీమాంసా న్యాయవిస్తరః ।
ఆయుర్వేదో ధనుర్వేదో గాంధర్వం కావ్యనాటకం ॥ 125 ॥

వైఖానసం భాగవతం మానుషం పాంచరాత్రకమ్ ।
శైవం పాశుపతం కాలాముఖంభైరవశాసనం ॥ 126 ॥

శాక్తం వైనాయకం సౌరం జైనమార్హతసంహితా ।
సదసద్వ్యక్తమవ్యక్తం సచేతనమచేతనం ॥ 127 ॥

బంధో మోక్షః సుఖం భోగో యోగః సత్యమణుర్మహాన్ ।
స్వస్తి హుంఫట్ స్వధా స్వాహా శ్రౌషట్ వౌషట్ వషణ్ నమః 128 ॥

జ్ఞానం విజ్ఞానమానందో బోధః సంవిత్సమోఽసమః ।
ఏక ఏకాక్షరాధార ఏకాక్షరపరాయణః ॥ 129 ॥

ఏకాగ్రధీరేకవీర ఏకోఽనేకస్వరూపధృక్ ।
ద్విరూపో ద్విభుజో ద్వ్యక్షో ద్విరదో ద్వీపరక్షకః ॥ 130 ॥

ద్వైమాతురో ద్వివదనో ద్వంద్వహీనో ద్వయాతిగః ।
త్రిధామా త్రికరస్త్రేతా త్రివర్గఫలదాయకః ॥ 131 ॥

త్రిగుణాత్మా త్రిలోకాదిస్త్రిశక్తీశస్త్రిలోచనః ।
చతుర్విధవచోవృత్తిపరివృత్తిప్రవర్తకః ॥ 132 ॥

చతుర్బాహుశ్చతుర్దంతశ్చతురాత్మా చతుర్భుజః ।
చతుర్విధోపాయమయశ్చతుర్వర్ణాశ్రమాశ్రయః 133 ॥

చతుర్థీపూజనప్రీతశ్చతుర్థీతిథిసంభవః ॥
పంచాక్షరాత్మా పంచాత్మా పంచాస్యః పంచకృత్తమః ॥ 134 ॥

పంచాధారః పంచవర్ణః పంచాక్షరపరాయణః ।
పంచతాలః పంచకరః పంచప్రణవమాతృకః ॥ 135 ॥

పంచబ్రహ్మమయస్ఫూర్తిః పంచావరణవారితః ।
పంచభక్షప్రియః పంచబాణః పంచశిఖాత్మకః ॥ 136 ॥

షట్కోణపీఠః షట్చక్రధామా షడ్గ్రంథిభేదకః ।
షడంగధ్వాంతవిధ్వంసీ షడంగులమహాహ్రదః ॥ 137 ॥

షణ్ముఖః షణ్ముఖభ్రాతా షట్శక్తిపరివారితః ।
షడ్వైరివర్గవిధ్వంసీ షడూర్మిభయభంజనః ॥ 138 ॥

షట్తర్కదూరః షట్కర్మా షడ్గుణః షడ్రసాశ్రయః ।
సప్తపాతాలచరణః సప్తద్వీపోరుమండలః ॥ 139 ॥

సప్తస్వర్లోకముకుటః సప్తసప్తివరప్రదః ।
సప్తాంగరాజ్యసుఖదః సప్తర్షిగణవందితః ॥ 140 ॥

సప్తచ్ఛందోనిధిః సప్తహోత్రః సప్తస్వరాశ్రయః ।
సప్తాబ్ధికేలికాసారః సప్తమాతృనిషేవితః ॥ 141 ॥

సప్తచ్ఛందో మోదమదః సప్తచ్ఛందో మఖప్రభుః ।
అష్టమూర్తిర్ధ్యేయమూర్తిరష్టప్రకృతికారణం ॥ 142 ॥

అష్టాంగయోగఫలభృదష్టపత్రాంబుజాసనః ।
అష్టశక్తిసమానశ్రీరష్టైశ్వర్యప్రవర్ధనః ॥ 143 ॥

అష్టపీఠోపపీఠశ్రీరష్టమాతృసమావృతః ।
అష్టభైరవసేవ్యోఽష్టవసువంద్యోఽష్టమూర్తిభృత్ ॥ 144 ॥

అష్టచక్రస్ఫురన్మూర్తిరష్టద్రవ్యహవిఃప్రియః ।
అష్టశ్రీరష్టసామశ్రీరష్టైశ్వర్యప్రదాయకః ।
నవనాగాసనాధ్యాసీ నవనిధ్యనుశాసితః ॥ 145 ॥

నవద్వారపురావృత్తో నవద్వారనికేతనః ।
నవనాథమహానాథో నవనాగవిభూషితః ॥ 146 ॥

నవనారాయణస్తుల్యో నవదుర్గానిషేవితః ।
నవరత్నవిచిత్రాంగో నవశక్తిశిరోద్ధృతః ॥ 147 ॥

దశాత్మకో దశభుజో దశదిక్పతివందితః ।
దశాధ్యాయో దశప్రాణో దశేంద్రియనియామకః ॥ 148 ॥

దశాక్షరమహామంత్రో దశాశావ్యాపివిగ్రహః ।
ఏకాదశమహారుద్రైఃస్తుతశ్చైకాదశాక్షరః ॥ 149 ॥

ద్వాదశద్విదశాష్టాదిదోర్దండాస్త్రనికేతనః ।
త్రయోదశభిదాభిన్నో విశ్వేదేవాధిదైవతం ॥ 150 ॥

చతుర్దశేంద్రవరదశ్చతుర్దశమనుప్రభుః ।
చతుర్దశాద్యవిద్యాఢ్యశ్చతుర్దశజగత్పతిః ॥ 151 ॥

సామపంచదశః పంచదశీశీతాంశునిర్మలః ।
తిథిపంచదశాకారస్తిథ్యా పంచదశార్చితః ॥ 152 ॥

షోడశాధారనిలయః షోడశస్వరమాతృకః ।
షోడశాంతపదావాసః షోడశేందుకలాత్మకః ॥ 153 ॥

కలాసప్తదశీ సప్తదశసప్తదశాక్షరః ।
అష్టాదశద్వీపపతిరష్టాదశపురాణకృత్ ॥ 154 ॥

అష్టాదశౌషధీసృష్టిరష్టాదశవిధిః స్మృతః ।
అష్టాదశలిపివ్యష్టిసమష్టిజ్ఞానకోవిదః ॥ 155 ॥

అష్టాదశాన్నసంపత్తిరష్టాదశవిజాతికృత్ ।
ఏకవింశః పుమానేకవింశత్యంగులిపల్లవః ॥ 156 ॥

చతుర్వింశతితత్త్వాత్మా పంచవింశాఖ్యపూరుషః ।
సప్తవింశతితారేశః సప్తవింశతియోగకృత్ ॥ 157 ॥

ద్వాత్రింశద్భైరవాధీశశ్చతుస్త్రింశన్మహాహ్రదః ।
షట్త్రింశత్తత్త్వసంభూతిరష్టత్రింశత్కలాత్మకః ॥ 158 ॥

పంచాశద్విష్ణుశక్తీశః పంచాశన్మాతృకాలయః ।
ద్విపంచాశద్వపుఃశ్రేణీత్రిషష్ట్యక్షరసంశ్రయః ।
పంచాశదక్షరశ్రేణీపంచాశద్రుద్రవిగ్రహః ॥ 159 ॥

చతుఃషష్టిమహాసిద్ధియోగినీవృందవందితః ।
నమదేకోనపంచాశన్మరుద్వర్గనిరర్గలః ॥ 160 ॥

చతుఃషష్ట్యర్థనిర్ణేతా చతుఃషష్టికలానిధిః ।
అష్టషష్టిమహాతీర్థక్షేత్రభైరవవందితః ॥ 161 ॥

చతుర్నవతిమంత్రాత్మా షణ్ణవత్యధికప్రభుః ।
శతానందః శతధృతిః శతపత్రాయతేక్షణః ॥ 162 ॥

శతానీకః శతమఖః శతధారావరాయుధః ।
సహస్రపత్రనిలయః సహస్రఫణిభూషణః ॥ 163 ॥

సహస్రశీర్షా పురుషః సహస్రాక్షః సహస్రపాత్ ।
సహస్రనామసంస్తుత్యః సహస్రాక్షబలాపహః ॥ 164 ॥

దశసాహస్రఫణిభృత్ఫణిరాజకృతాసనః ।
అష్టాశీతిసహస్రాద్యమహర్షిస్తోత్రపాఠితః ॥ 165 ॥

లక్షాధారః ప్రియాధారో లక్షాధారమనోమయః ।
చతుర్లక్షజపప్రీతశ్చతుర్లక్షప్రకాశకః ॥ 166 ॥

చతురశీతిలక్షాణాం జీవానాం దేహసంస్థితః ।
కోటిసూర్యప్రతీకాశః కోటిచంద్రాంశునిర్మలః ॥ 167 ॥

శివోద్భవాద్యష్టకోటివైనాయకధురంధరః ।
సప్తకోటిమహామంత్రమంత్రితావయవద్యుతిః ॥ 168 ॥

త్రయస్త్రింశత్కోటిసురశ్రేణీప్రణతపాదుకః ।
అనంతదేవతాసేవ్యో హ్యనంతశుభదాయకః ॥ 169 ॥

అనంతనామానంతశ్రీరనంతోఽనంతసౌఖ్యదః ।
అనంతశక్తిసహితో హ్యనంతమునిసంస్తుతః ॥ 170 ॥

ఇతి వైనాయకం నామ్నాం సహస్రమిదమీరితమ్ ।
ఇదం బ్రాహ్మే ముహూర్తే యః పఠతి ప్రత్యహం నరః ॥ 171 ॥

కరస్థం తస్య సకలమైహికాముష్మికం సుఖమ్ ।
ఆయురారోగ్యమైశ్వర్యం ధైర్యం శౌర్యం బలం యశః ॥ 172 ॥

మేధా ప్రజ్ఞా ధృతిః కాంతిః సౌభాగ్యమభిరూపతా ।
సత్యం దయా క్షమా శాంతిర్దాక్షిణ్యం ధర్మశీలతా ॥ 173 ॥

జగత్సంవననం విశ్వసంవాదో వేదపాటవమ్ ।
సభాపాండిత్యమౌదార్యం గాంభీర్యం బ్రహ్మవర్చసం ॥ 174 ॥

ఓజస్తేజః కులం శీలం ప్రతాపో వీర్యమార్యతా ।
జ్ఞానం విజ్ఞానమాస్తిక్యం స్థైర్యం విశ్వాసతా తథా ॥ 175 ॥

ధనధాన్యాదివృద్ధిశ్చ సకృదస్య జపాద్భవేత్ ।
వశ్యం చతుర్విధం విశ్వం జపాదస్య ప్రజాయతే ॥ 176 ॥

రాజ్ఞో రాజకలత్రస్య రాజపుత్రస్య మంత్రిణః ।
జప్యతే యస్య వశ్యార్థే స దాసస్తస్య జాయతే ॥ 177 ॥

ధర్మార్థకామమోక్షాణామనాయాసేన సాధనమ్ ।
శాకినీడాకినీరక్షోయక్షగ్రహభయాపహం ॥ 178 ॥

సామ్రాజ్యసుఖదం సర్వసపత్నమదమర్దనమ్ ।
సమస్తకలహధ్వంసి దగ్ధబీజప్రరోహణం ॥ 179 ॥

దుఃస్వప్నశమనం క్రుద్ధస్వామిచిత్తప్రసాదనమ్ ।
షడ్వర్గాష్టమహాసిద్ధిత్రికాలజ్ఞానకారణం ॥ 180 ॥

పరకృత్యప్రశమనం పరచక్రప్రమర్దనమ్ ।
సంగ్రామమార్గే సవేషామిదమేకం జయావహం ॥ 181 ॥

సర్వవంధ్యత్వదోషఘ్నం గర్భరక్షైకకారణమ్ ।
పఠ్యతే ప్రత్యహం యత్ర స్తోత్రం గణపతేరిదం ॥ 182 ॥

దేశే తత్ర న దుర్భిక్షమీతయో దురితాని చ ।
న తద్గేహం జహాతి శ్రీర్యత్రాయం జప్యతే స్తవః ॥ 183 ॥

క్షయకుష్ఠప్రమేహార్శభగందరవిషూచికాః ।
గుల్మం ప్లీహానమశమానమతిసారం మహోదరం ॥ 184 ॥

కాసం శ్వాసముదావర్తం శూలం శోఫామయోదరమ్ ।
శిరోరోగం వమిం హిక్కాం గండమాలామరోచకం ॥ 185 ॥

వాతపిత్తకఫద్వంద్వత్రిదోషజనితజ్వరమ్ ।
ఆగంతువిషమం శీతముష్ణం చైకాహికాదికం ॥ 186 ॥

ఇత్యాద్యుక్తమనుక్తం వా రోగదోషాదిసంభవమ్ ।
సర్వం ప్రశమయత్యాశు స్తోత్రస్యాస్య సకృజ్జపః ॥ 187 ॥

ప్రాప్యతేఽస్య జపాత్సిద్ధిః స్త్రీశూద్రైః పతితైరపి ।
సహస్రనామమంత్రోఽయం జపితవ్యః శుభాప్తయే ॥ 188 ॥

మహాగణపతేః స్తోత్రం సకామః ప్రజపన్నిదమ్ ।
ఇచ్ఛయా సకలాన్ భోగానుపభుజ్యేహ పార్థివాన్ ॥ 189 ॥

మనోరథఫలైర్దివ్యైర్వ్యోమయానైర్మనోరమైః ।
చంద్రేంద్రభాస్కరోపేంద్రబ్రహ్మశర్వాదిసద్మసు ॥ 190 ॥

కామరూపః కామగతిః కామదః కామదేశ్వరః ।
భుక్త్వా యథేప్సితాన్భోగానభీష్టైః సహ బంధుభిః ॥ 191 ॥

గణేశానుచరో భూత్వా గణో గణపతిప్రియః ।
నందీశ్వరాదిసానందైర్నందితః సకలైర్గణైః ॥ 192 ॥

శివాభ్యాం కృపయా పుత్రనిర్విశేషం చ లాలితః ।
శివభక్తః పూర్ణకామో గణేశ్వరవరాత్పునః ॥ 193 ॥

జాతిస్మరో ధర్మపరః సార్వభౌమోఽభిజాయతే ।
నిష్కామస్తు జపన్నిత్యం భక్త్యా విఘ్నేశతత్పరః ॥ 194 ॥

యోగసిద్ధిం పరాం ప్రాప్య జ్ఞానవైరాగ్యసంయుతః ।
నిరంతరే నిరాబాధే పరమానందసంజ్ఞితే ॥ 195 ॥

విశ్వోత్తీర్ణే పరే పూర్ణే పునరావృత్తివర్జితే ।
లీనో వైనాయకే ధామ్ని రమతే నిత్యనిర్వృతే ॥ 196 ॥

యో నామభిర్హుతైర్దత్తైః పూజయేదర్చయే​ఏన్నరః ।
రాజానో వశ్యతాం యాంతి రిపవో యాంతి దాసతాం ॥ 197 ॥

తస్య సిధ్యంతి మంత్రాణాం దుర్లభాశ్చేష్టసిద్ధయః ।
మూలమంత్రాదపి స్తోత్రమిదం ప్రియతమం మమ ॥ 198 ॥

నభస్యే మాసి శుక్లాయాం చతుర్థ్యాం మమ జన్మని ।
దూర్వాభిర్నామభిః పూజాం తర్పణం విధివచ్చరేత్ ॥ 199 ॥

అష్టద్రవ్యైర్విశేషేణ కుర్యాద్భక్తిసుసంయుతః ।
తస్యేప్సితం ధనం ధాన్యమైశ్వర్యం విజయో యశః ॥ 200 ॥

భవిష్యతి న సందేహః పుత్రపౌత్రాదికం సుఖమ్ ।
ఇదం ప్రజపితం స్తోత్రం పఠితం శ్రావితం శ్రుతం ॥ 201 ॥

వ్యాకృతం చర్చితం ధ్యాతం విమృష్టమభివందితమ్ ।
ఇహాముత్ర చ విశ్వేషాం విశ్వైశ్వర్యప్రదాయకం ॥ 202 ॥

స్వచ్ఛందచారిణాప్యేష యేన సంధార్యతే స్తవః ।
స రక్ష్యతే శివోద్భూతైర్గణైరధ్యష్టకోటిభిః ॥ 203 ॥

లిఖితం పుస్తకస్తోత్రం మంత్రభూతం ప్రపూజయేత్ ।
తత్ర సర్వోత్తమా లక్ష్మీః సన్నిధత్తే నిరంతరం ॥ 204 ॥

దానైరశేషైరఖిలైర్వ్రతైశ్చ తీర్థైరశేషైరఖిలైర్మఖైశ్చ ।
న తత్ఫలం విందతి యద్గణేశసహస్రనామస్మరణేన సద్యః ॥ 205 ॥

ఏతన్నామ్నాం సహస్రం పఠతి దినమణౌ ప్రత్యహంప్రోజ్జిహానే
సాయం మధ్యందినే వా త్రిషవణమథవా సంతతం వా జనో యః ।
స స్యాదైశ్వర్యధుర్యః ప్రభవతి వచసాం కీర్తిముచ్చైస్తనోతి
దారిద్ర్యం హంతి విశ్వం వశయతి సుచిరం వర్ధతే పుత్రపౌత్రైః ॥ 206 ॥

అకించనోప్యేకచిత్తో నియతో నియతాసనః ।
ప్రజపంశ్చతురో మాసాన్ గణేశార్చనతత్పరః ॥ 207 ॥

దరిద్రతాం సమున్మూల్య సప్తజన్మానుగామపి ।
లభతే మహతీం లక్ష్మీమిత్యాజ్ఞా పారమేశ్వరీ ॥ 208 ॥

ఆయుష్యం వీతరోగం కులమతివిమలం సంపదశ్చార్తినాశః
కీర్తిర్నిత్యావదాతా భవతి ఖలు నవా కాంతిరవ్యాజభవ్యా ।
పుత్రాః సంతః కలత్రం గుణవదభిమతం యద్యదన్యచ్చ తత్త -
న్నిత్యం యః స్తోత్రమేతత్ పఠతి గణపతేస్తస్య హస్తే సమస్తం ॥ 209 ॥

గణంజయో గణపతిర్హేరంబో ధరణీధరః ।
మహాగణపతిర్బుద్ధిప్రియః క్షిప్రప్రసాదనః ॥ 210 ॥

అమోఘసిద్ధిరమృతమంత్రశ్చింతామణిర్నిధిః ।
సుమంగలో బీజమాశాపూరకో వరదః కలః ॥ 211 ॥

కాశ్యపో నందనో వాచాసిద్ధో ఢుంఢిర్వినాయకః ।
మోదకైరేభిరత్రైకవింశత్యా నామభిః పుమాన్ ॥ 212 ॥

ఉపాయనం దదేద్భక్త్యా మత్ప్రసాదం చికీర్షతి ।
వత్సరం విఘ్నరాజోఽస్య తథ్యమిష్టార్థసిద్ధయే ॥ 213 ॥

యః స్తౌతి మద్గతమనా మమారాధనతత్పరః ।
స్తుతో నామ్నా సహస్రేణ తేనాహం నాత్ర సంశయః ॥ 214 ॥

నమో నమః సురవరపూజితాంఘ్రయే
నమో నమో నిరుపమమంగలాత్మనే ।
నమో నమో విపులదయైకసిద్ధయే
నమో నమః కరికలభాననాయ తే ॥ 215 ॥

కింకిణీగణరచితచరణః
ప్రకటితగురుమితచారుకరణః ।
మదజలలహరీకలితకపోలః
శమయతు దురితం గణపతినామ్నా ॥ 216 ॥

॥ ఇతి శ్రీగణేశపురాణే ఉపాసనాఖండే ఈశ్వరగణేశసంవాదే
గణేశసహస్రనామస్తోత్రం నామ షట్చత్వారింశోధ్యాయః ॥