Sri Durga Saptashati - Siddha Kunjika Stotram

 Siddha Kunjika Stotram

॥ సిద్ధకుఞ్జికాస్తోత్రమ్ ॥

శివ ఉవాచ

శృణు దేవి ప్రవక్ష్యామి, కుఞ్జికాస్తోత్రముత్తమమ్।

యేన మన్త్రప్రభావేణ చణ్డీజాపః శుభో భవేత్॥1॥

న కవచం నార్గలాస్తోత్రం కీలకం న రహస్యకమ్।

న సూక్తం నాపి ధ్యానం చ న న్యాసో న చ వార్చనమ్॥2॥

కుఞ్జికాపాఠమాత్రేణ దుర్గాపాఠఫలం లభేత్।

అతి గుహ్యతరం దేవి దేవానామపి దుర్లభమ్॥3॥

గోపనీయం ప్రయత్నేన స్వయోనిరివ పార్వతి।

మారణం మోహనం వశ్యం స్తమ్భనోచ్చాటనాదికమ్।

పాఠమాత్రేణ సంసిద్ధ్యేత్ కుఞ్జికాస్తోత్రముత్తమమ్॥4॥

॥ అథ మన్త్రః ॥

ఓం ఐం హ్రీం క్లీంచాముణ్డాయై విచ్చే॥

ఓం గ్లౌం హుం క్లీం జూం సః జ్వాలయజ్వాలయ జ్వల జ్వల ప్రజ్వల ప్రజ్వల

ఐం హ్రీం క్లీం చాముణ్డాయై విచ్చే జ్వలహం సం లం క్షం ఫట్ స్వాహా॥

॥ ఇతి మన్త్రః ॥

నమస్తే రూద్రరూపిణ్యై నమస్తే మధుమర్దిని।

నమః కైటభహారిణ్యై నమస్తే మహిషార్దిని॥1॥

నమస్తే శుమ్భహన్త్ర్యై చ నిశుమ్భాసురఘాతిని।

జాగ్రతం హి మహాదేవి జపం సిద్ధం కురుష్వ మే॥2॥

ఐంకారీ సృష్టిరూపాయై హ్రీంకారీ ప్రతిపాలికా।

క్లీంకారీ కామరూపిణ్యై బీజరూపే నమోఽస్తు తే॥3॥

చాముణ్డా చణ్డఘాతీ చ యైకారీ వరదాయినీ।

విచ్చే చాభయదా నిత్యం నమస్తే మన్త్రరూపిణి॥4॥

ధాం ధీం ధూం ధూర్జటేః పత్నీ వాం వీం వూం వాగధీశ్వరీ।

క్రాం క్రీం క్రూం కాలికా దేవి శాం శీం శూం మే శుభం కురు॥5॥

హుం హుం హుంకారరూపిణ్యై జం జం జం జమ్భనాదినీ।

భ్రాం భ్రీం భ్రూం భైరవీ భద్రే భవాన్యై తే నమో నమః॥6॥

అం కం చం టం తం పం యం శం వీం దుం ఐం వీం హం క్షం।

ధిజాగ్రం ధిజాగ్రం త్రోటయ త్రోటయ దీప్తం కురు కురు స్వాహా॥7॥

పాం పీం పూం పార్వతీ పూర్ణా ఖాం ఖీం ఖూం ఖేచరీ తథా।

సాం సీం సూం సప్తశతీ దేవ్యా మన్త్రసిద్ధిం కురుష్వ మే॥8॥

ఇదం తు కుఞ్జికాస్తోత్రం మన్త్రజాగర్తిహేతవే।

అభక్తే నైవ దాతవ్యం గోపితం రక్ష పార్వతి॥

యస్తు కుఞ్జికయా దేవి హీనాం సప్తశతీం పఠేత్।

న తస్య జాయతే సిద్ధిరరణ్యే రోదనం యథా॥

॥ ఇతి శ్రీరుద్రయామలే గౌరీతన్త్రే శివపార్వతీసంవాదే కుఞ్జికాస్తోత్రం సమ్పూర్ణమ్ ॥

॥ ఓం తత్సత్ ॥