Murti Rahasyam
॥ అథ మూర్తిరహస్యమ్
॥
ఋషిరువాచ
ఓం నన్దా భగవతీ
నామ యా భవిష్యతి నన్దజా।
స్తుతా సా పూజితా
భక్త్యా వశీకుర్యాజ్జగత్త్రయమ్॥1॥
కనకోత్తమకాన్తిః
సా సుకాన్తికనకామ్బరా।
దేవీ కనకవర్ణాభా కనకోత్తమభూషణా॥2॥
కమలాఙ్కుశపాశాబ్జైరలఙ్కృతచతుర్భుజా।
ఇన్దిరా కమలా లక్ష్మీః
సా శ్రీ
రుక్మామ్బుజాసనా॥3॥
యా రక్తదన్తికా నామ దేవీ ప్రోక్తా మయానఘ।
తస్యాః స్వరూపం వక్ష్యామి
శృణు సర్వభయాపహమ్॥4॥
రక్తామ్బరా రక్తవర్ణా రక్తసర్వాఙ్గభూషణా।
రక్తాయుధా రక్తనేత్రా రక్తకేశాతిభీషణా॥5॥
రక్తతీక్ష్ణనఖా
రక్తదశనా రక్తదన్తికా।
పతిం నారీవానురక్తా దేవీ భక్తం భజేజ్జనమ్॥6॥
వసుధేవ విశాలా సా
సుమేరుయుగలస్తనీ।
దీర్ఘౌ లమ్బావతిస్థూలౌ తావతీవ మనోహరౌ॥7॥
కర్కశావతికాన్తౌ
తౌ సర్వానన్దపయోనిధీ।
భక్తాన్ సమ్పాయయేద్దేవీ సర్వకామదుఘౌ స్తనౌ॥8॥
ఖడ్గం పాత్రం చ
ముసలం లాఙ్గలం చ బిభర్తి సా।
ఆఖ్యాతా రక్తచాముణ్డా దేవీ యోగేశ్వరీతి
చ॥9॥
అనయా వ్యాప్తమఖిలం జగత్స్థావరజఙ్గమమ్।
ఇమాం యః పూజయేద్భక్త్యా
స వ్యాప్నోతి
చరాచరమ్॥10॥
(భుక్త్వా భోగాన్ యథాకామం
దేవీసాయుజ్యమాప్నుయాత్।)
అధీతే య ఇమం
నిత్యం రక్తదన్త్యా వపుఃస్తవమ్।
తం సా పరిచరేద్దేవీ
పతిం ప్రియమివాఙ్గనా॥11॥
శాకమ్భరీ నీలవర్ణా నీలోత్పలవిలోచనా।
గమ్భీరనాభిస్త్రివలీవిభూషితతనూదరీ॥12॥
సుకర్కశసమోత్తుఙ్గవృత్తపీనఘనస్తనీ।
ముష్టిం శిలీముఖాపూర్ణం కమలం కమలాలయా॥13॥
పుష్పపల్లవమూలాదిఫలాఢ్యం
శాకసఞ్చయమ్।
కామ్యానన్తరసైర్యుక్తం
క్షుత్తృణ్మృత్యుభయాపహమ్॥14॥
కార్ముకం చ స్ఫురత్కాన్తి
బిభ్రతీ పరమేశ్వరీ।
శాకమ్భరీ శతాక్షీ సా
సైవ దుర్గా ప్రకీర్తితా॥15॥
విశోకా దుష్టదమనీ శమనీ దురితాపదామ్।
ఉమా గౌరీ సతీ
చణ్డీ కాలికా సా చ పార్వతీ॥16॥
శాకమ్భరీం స్తువన్ ధ్యాయఞ్జపన్
సమ్పూజయన్నమన్।
అక్షయ్యమశ్నుతే
శీఘ్రమన్నపానామృతం ఫలమ్॥17॥
భీమాపి నీలవర్ణా సా
దంష్ట్రాదశనభాసురా।
విశాలలోచనా నారీ వృత్తపీనపయోధరా॥18॥
చన్ద్రహాసం చ డమరుం
శిరః పాత్రం చ బిభ్రతీ।
ఏకవీరా కాలరాత్రిః సైవోక్తా కామదా
స్తుతా॥19॥
తేజోమణ్డలదుర్ధర్షా
భ్రామరీ చిత్రకాన్తిభృత్।
చిత్రానులేపనా దేవీ చిత్రాభరణభూషితా॥20॥
చిత్రభ్రమరపాణిః
సా మహామారీతి
గీయతే।
ఇత్యేతా మూర్తయో దేవ్యా
యాః ఖ్యాతా వసుధాధిప॥21॥
జగన్మాతుశ్చణ్డికాయాః
కీర్తితాః కామధేనవః।
ఇదం రహస్యం పరమం
న వాచ్యం
కస్యచిత్త్వయా॥22॥
వ్యాఖ్యానం దివ్యమూర్తీనామభీష్టఫలదాయకమ్।
తస్మాత్ సర్వప్రయత్నేన దేవీం జప నిరన్తరమ్॥23॥
సప్తజన్మార్జితైర్ఘోరైర్బ్రహ్మహత్యాసమైరపి।
పాఠమాత్రేణ మన్త్రాణాం ముచ్యతే సర్వకిల్బిషైః॥24॥
దేవ్యా ధ్యానం మయా
ఖ్యాతం గుహ్యాద్ గుహ్యతరం
మహత్।
తస్మాత్ సర్వప్రయత్నేన సర్వకామఫలప్రదమ్॥25॥
(ఏతస్యాస్త్వం ప్రసాదేన సర్వమాన్యో
భవిష్యసి।
సర్వరూపమయీ దేవీ సర్వం
దేవీమయం జగత్।
అతోఽహం విశ్వరూపాం తాం నమామి పరమేశ్వరీమ్।)
॥ ఇతి మూర్తిరహస్యం
సమ్పూర్ణమ్ ॥
Comments
Post a Comment