Sri Durga Saptashati - Devi Argala Stotram

Devi Argala is recited after devi kavacham and keelakam.Argala is personified as Shakti and important part of Chandi Patha.

॥ అథార్గలాస్తోత్రమ్ ॥

ఓం అస్య శ్రీఅర్గలాస్తోత్రమన్త్రస్య విష్ణుర్ఋషిః,అనుష్టుప్ ఛన్దః,

శ్రీమహాలక్ష్మీర్దేవతా, శ్రీజగదమ్బాప్రీతయేసప్తశతీపాఠాఙ్గత్వేన జపే వినియోగః॥

ఓం నమశ్చణ్డికాయై॥

మార్కణ్డేయ ఉవాచ

ఓం జయన్తీ మఙ్గలా కాలీ భద్రకాలీ కపాలినీ।

దుర్గా క్షమా శివా ధాత్రీ స్వాహా స్వధా నమోఽస్తు తే॥1॥

జయ త్వం దేవి చాముణ్డే జయ భూతార్తిహారిణి।

జయ సర్వగతే దేవి కాలరాత్రి నమోఽస్తు తే॥2॥

మధుకైటభవిద్రావివిధాతృవరదే నమః।

రూపం దేహి జయం దేహి యశో దేహి ద్విషో జహి॥3॥

మహిషాసురనిర్ణాశి భక్తానాం సుఖదే నమః।

రూపం దేహి జయం దేహి యశో దేహి ద్విషో జహి॥4॥

రక్తబీజవధే దేవి చణ్డముణ్డవినాశిని।

రూపం దేహి జయం దేహి యశో దేహి ద్విషో జహి॥5॥

శుమ్భస్యైవ నిశుమ్భస్య ధూమ్రాక్షస్య చ మర్దిని।

రూపం దేహి జయం దేహి యశో దేహి ద్విషో జహి॥6॥

వన్దితాఙ్ఘ్రియుగే దేవి సర్వసౌభాగ్యదాయిని।

రూపం దేహి జయం దేహి యశో దేహి ద్విషో జహి॥7॥

అచిన్త్యరూపచరితే సర్వశత్రువినాశిని।

రూపం దేహి జయం దేహి యశో దేహి ద్విషో జహి॥8॥

నతేభ్యః సర్వదా భక్త్యా చణ్డికే దురితాపహే।

రూపం దేహి జయం దేహి యశో దేహి ద్విషో జహి॥9॥

స్తువద్భ్యో భక్తిపూర్వం త్వాం చణ్డికే వ్యాధినాశిని।

రూపం దేహి జయం దేహి యశో దేహి ద్విషో జహి॥10॥

చణ్డికే సతతం యే త్వామర్చయన్తీహ భక్తితః।

రూపం దేహి జయం దేహి యశో దేహి ద్విషో జహి॥11॥

దేహి సౌభాగ్యమారోగ్యం దేహి మే పరమం సుఖమ్।

రూపం దేహి జయం దేహి యశో దేహి ద్విషో జహి॥12॥

విధేహి ద్విషతాం నాశం విధేహి బలముచ్చకైః।

రూపం దేహి జయం దేహి యశో దేహి ద్విషో జహి॥13॥

విధేహి దేవి కల్యాణం విధేహి పరమాం శ్రియమ్।

రూపం దేహి జయం దేహి యశో దేహి ద్విషో జహి॥14॥

సురాసురశిరోరత్ననిఘృష్టచరణేఽమ్బికే।

రూపం దేహి జయం దేహి యశో దేహి ద్విషో జహి॥15॥

విద్యావన్తం యశస్వన్తం లక్ష్మీవన్తం జనం కురు।

రూపం దేహి జయం దేహి యశో దేహి ద్విషో జహి॥16॥

ప్రచణ్డదైత్యదర్పఘ్నే చణ్డికే ప్రణతాయ మే।

రూపం దేహి జయం దేహి యశో దేహి ద్విషో జహి॥17॥

చతుర్భుజే చతుర్వక్త్రసంస్తుతే పరమేశ్వరి।

రూపం దేహి జయం దేహి యశో దేహి ద్విషో జహి॥18॥

కృష్ణేన సంస్తుతే దేవి శశ్వద్భక్త్యా సదామ్బికే।

రూపం దేహి జయం దేహి యశో దేహి ద్విషో జహి॥19॥

హిమాచలసుతానాథసంస్తుతే పరమేశ్వరి।

రూపం దేహి జయం దేహి యశో దేహి ద్విషో జహి॥20॥

ఇన్ద్రాణీపతిసద్భావపూజితే పరమేశ్వరి।

రూపం దేహి జయం దేహి యశో దేహి ద్విషో జహి॥21॥

దేవి ప్రచణ్డదోర్దణ్డదైత్యదర్పవినాశిని।

రూపం దేహి జయం దేహి యశో దేహి ద్విషో జహి॥22॥

దేవి భక్తజనోద్దామదత్తానన్దోదయేఽమ్బికే।

రూపం దేహి జయం దేహి యశో దేహి ద్విషో జహి॥23॥

పత్నీం మనోరమాం దేహి మనోవృత్తానుసారిణీమ్।

తారిణీం దుర్గసంసారసాగరస్య కులోద్భవామ్॥24॥

ఇదం స్తోత్రం పఠిత్వా తు మహాస్తోత్రం పఠేన్నరః।

స తు సప్తశతీసఙ్ఖ్యావరమాప్నోతి సమ్పదామ్॥25॥

॥ ఇతి దేవ్యా అర్గలాస్తోత్రం సమ్పూర్ణమ్ ॥