Durga Saptashati is a Hindu religious text describing the victory of the goddess Durga over the demon Mahishasura. Durga Saptashati is also known as the Devi Mahatmyam, Chandi Patha (चण्डीपाठः) and contains 700 verses, arranged into 13 chapters.
The thirteenth chapter of Durga Saptashati is
based on "the bestowing of boons to Suratha and Vaisya".
॥ శ్రీదుర్గాసప్తశతీ - త్రయోదశోఽధ్యాయః ॥
The boon of the Goddess to Suratha and the merchant.
॥ ధ్యానమ్ ॥
ఓం బాలార్కమణ్డలాభాసాం చతుర్బాహుం త్రిలోచనామ్।
పాశాఙ్కుశవరాభీతీర్ధారయన్తీం
శివాం భజే॥
"ఓం"
ఋషిరువాచ॥1॥
ఏతత్తే కథితం భూప
దేవీమాహాత్మ్యముత్తమమ్।
ఏవంప్రభావా సా దేవీ
యయేదం ధార్యతే జగత్॥2॥
విద్యా తథైవ క్రియతే
భగవద్విష్ణుమాయయా।
తయా త్వమేష వైశ్యశ్చ
తథైవాన్యే వివేకినః॥3॥
మోహ్యన్తే మోహితాశ్చైవ మోహమేష్యన్తి చాపరే।
తాముపైహి మహారాజ శరణం
పరమేశ్వరీమ్॥4॥
ఆరాధితా సైవ నృణాం
భోగస్వర్గాపవర్గదా॥5॥
మార్కణ్డేయ ఉవాచ॥6॥
ఇతి తస్య వచః
శ్రుత్వా సురథః స నరాధిపః॥7॥
ప్రణిపత్య మహాభాగం తమృషిం
శంసితవ్రతమ్।
నిర్విణ్ణోఽతిమమత్వేన
రాజ్యాపహరణేన చ॥8॥
జగామ సద్యస్తపసే స చ వైశ్యో మహామునే।
సన్దర్శనార్థమమ్బాయా
నదీపులినసంస్థితః॥9॥
స చ వైశ్యస్తపస్తేపే
దేవీసూక్తం పరం జపన్।
తౌ తస్మిన్ పులినే
దేవ్యాః కృత్వా మూర్తిం
మహీమయీమ్॥10॥
అర్హణాం చక్రతుస్తస్యాః పుష్పధూపాగ్నితర్పణైః।
నిరాహారౌ యతాహారౌ తన్మనస్కౌ
సమాహితౌ॥11॥
దదతుస్తౌ బలిం చైవ
నిజగాత్రాసృగుక్షితమ్।
ఏవం సమారాధయతోస్త్రిభిర్వర్షైర్యతాత్మనోః॥12॥
పరితుష్టా జగద్ధాత్రీ ప్రత్యక్షం ప్రాహ
చణ్డికా॥13॥
దేవ్యువాచ॥14॥
యత్ప్రార్థ్యతే
త్వయా భూప త్వయా చ కులనన్దన।
మత్తస్తత్ప్రాప్యతాం
సర్వం పరితుష్టా దదామి
తత్॥15॥
మార్కణ్డేయ ఉవాచ॥16॥
తతో వవ్రే నృపో
రాజ్యమవిభ్రంశ్యన్యజన్మని।
అత్రైవ చ నిజం
రాజ్యం హతశత్రుబలం బలాత్॥17॥
సోఽపి వైశ్యస్తతో జ్ఞానం వవ్రే
నిర్విణ్ణమానసః।
మమేత్యహమితి ప్రాజ్ఞః సఙ్గవిచ్యుతికారకమ్॥18॥
దేవ్యువాచ॥19॥
స్వల్పైరహోభిర్నృపతే
స్వం రాజ్యం ప్రాప్స్యతే
భవాన్॥20॥
హత్వా రిపూనస్ఖలితం తవ తత్ర భవిష్యతి॥21॥
మృతశ్చ భూయః సమ్ప్రాప్య
జన్మ దేవాద్వివస్వతః॥22॥
సావర్ణికో నామ* మనుర్భవాన్ భువి భవిష్యతి॥23॥
వైశ్యవర్య త్వయా యశ్చ
వరోఽస్మత్తోఽభివాఞ్ఛితః॥24॥
తం ప్రయచ్ఛామి సంసిద్ధ్యై తవ
జ్ఞానం భవిష్యతి॥25॥
మార్కణ్డేయ ఉవాచ॥26॥
ఇతి దత్త్వా తయోర్దేవీ
యథాభిలషితం వరమ్॥27॥
బభూవాన్తర్హితా
సద్యో భక్త్యా తాభ్యామభిష్టుతా।
ఏవం దేవ్యా వరం
లబ్ధ్వా సురథః క్షత్రియర్షభః॥28॥
సూర్యాజ్జన్మ సమాసాద్య సావర్ణిర్భవితా
మనుః॥29॥
ఏవం దేవ్యా వరం
లబ్ధ్వా సురథః క్షత్రియర్షభః
సూర్యాజ్జన్మ సమాసాద్య సావర్ణిర్భవితా
మనుః॥క్లీం
ఓం॥
॥ ఇతి శ్రీమార్కణ్డేయపురాణే
సావర్ణికే మన్వన్తరే దేవీమాహాత్మ్యే
సురథవైశ్యయోర్వరప్రదానం నామ త్రయోదశోఽధ్యాయః॥13॥
ఉవాచ 6, అర్ధశ్లోకాః 11, శ్లోకాః
12,
ఏవమ్ 29, ఏవమాదితః॥700॥
సమస్తా ఉవాచమన్త్రాః 57, అర్ధశ్లోకాః
42,
శ్లోకాః 535, అవదానాని॥66
॥
Comments
Post a Comment