Durga Saptashati is a Hindu religious text describing the victory of the goddess Durga over the demon Mahishasura. Durga Saptashati is also known as the Devi Mahatmyam, Chandi Patha (चण्डीपाठः) and contains 700 verses, arranged into 13 chapters.
The tenth chapter of Durga Saptashati is
based on "the slaying of Shumbha".
॥ శ్రీదుర్గాసప్తశతీ - దశమోఽధ్యాయః ॥
శుమ్భ-వధ
॥ ధ్యానమ్ ॥
ఓం ఉత్తప్తహేమరుచిరాం రవిచన్ద్రవహ్ని-
నేత్రాం ధనుశ్శరయుతాఙ్కుశపాశశూలమ్।
రమ్యైర్భుజైశ్చ
దధతీం శివశక్తిరూపాం
కామేశ్వరీం హృది భజామి
ధృతేన్దులేఖామ్॥
"ఓం"
ఋషిరువాచ॥1॥
నిశుమ్భం నిహతం దృష్ట్వా
భ్రాతరం ప్రాణసమ్మితమ్।
హన్యమానం బలం చైవ
శుమ్భః క్రుద్ధోఽబ్రవీద్వచః॥2॥
బలావలేపాద్దుష్టే* త్వం మా
దుర్గే గర్వమావహ।
అన్యాసాం బలమాశ్రిత్య యుద్ధ్యసే యాతిమానినీ॥3॥
దేవ్యువాచ॥4॥
ఏకైవాహం జగత్యత్ర ద్వితీయా
కా మమాపరా।
పశ్యైతా దుష్ట మయ్యేవ
విశన్త్యో మద్విభూతయః*॥5॥
తతః సమస్తాస్తా దేవ్యో బ్రహ్మాణీప్రముఖా
లయమ్।
తస్యా దేవ్యాస్తనౌ జగ్మురేకైవాసీత్తదామ్బికా॥6॥
దేవ్యువాచ॥7॥
అహం విభూత్యా బహుభిరిహ
రూపైర్యదాస్థితా।
తత్సంహృతం మయైకైవ తిష్ఠామ్యాజౌ
స్థిరో భవ॥8॥
ఋషిరువాచ॥9॥
తతః ప్రవవృతే యుద్ధం
దేవ్యాః శుమ్భస్య చోభయోః।
పశ్యతాం సర్వదేవానామసురాణాం చ దారుణమ్॥10॥
శరవర్షైః శితైః శస్త్రైస్తథాస్త్రైశ్చైవ
దారుణైః।
తయోర్యుద్ధమభూద్భూయః
సర్వలోకభయఙ్కరమ్॥11॥
దివ్యాన్యస్త్రాణి
శతశో ముముచే యాన్యథామ్బికా।
బభఞ్జ తాని దైత్యేన్ద్రస్తత్ప్రతీఘాతకర్తృభిః॥12॥
ముక్తాని తేన చాస్త్రాణి
దివ్యాని పరమేశ్వరీ।
బభఞ్జ లీలయైవోగ్రహు*ఙ్కారోచ్చారణాదిభిః॥13॥
తతః శరశతైర్దేవీమాచ్ఛాదయత సోఽసురః।
సాపి* తత్కుపితా దేవీ ధనుశ్చిచ్ఛేద
చేషుభిః॥14॥
ఛిన్నే ధనుషి దైత్యేన్ద్రస్తథా
శక్తిమథాదదే।
చిచ్ఛేద దేవీ చక్రేణ
తామప్యస్య కరే స్థితామ్॥15॥
తతః ఖడ్గముపాదాయ శతచన్ద్రం చ భానుమత్।
అభ్యధావత్తదా* దేవీం దైత్యానామధిపేశ్వరః॥16॥
తస్యాపతత ఏవాశు ఖడ్గం
చిచ్ఛేద చణ్డికా।
ధనుర్ముక్తైః శితైర్బాణైశ్చర్మ చార్కకరామలమ్*॥17॥
హతాశ్వః స తదా
దైత్యశ్ఛిన్నధన్వా విసారథిః।
జగ్రాహ ముద్గరం ఘోరమమ్బికానిధనోద్యతః॥18॥
చిచ్ఛేదాపతతస్తస్య
ముద్గరం నిశితైః శరైః।
తథాపి సోఽభ్యధావత్తాం ముష్టిముద్యమ్య వేగవాన్॥19॥
స ముష్టిం పాతయామాస
హృదయే దైత్యపుఙ్గవః।
దేవ్యాస్తం చాపి సా
దేవీ తలేనోరస్యతాడయత్॥20॥
తలప్రహారాభిహతో
నిపపాత మహీతలే।
స దైత్యరాజః సహసా పునరేవ తథోత్థితః॥21॥
ఉత్పత్య చ ప్రగృహ్యోచ్చైర్దేవీం
గగనమాస్థితః।
తత్రాపి సా నిరాధారా
యుయుధే తేన చణ్డికా॥22॥
నియుద్ధం ఖే తదా
దైత్యశ్చణ్డికా చ పరస్పరమ్।
చక్రతుః ప్రథమం సిద్ధమునివిస్మయకారకమ్॥23॥
తతో నియుద్ధం సుచిరం
కృత్వా తేనామ్బికా సహ।
ఉత్పాత్య భ్రామయామాస చిక్షేప ధరణీతలే॥24॥
స క్షిప్తో ధరణీం
ప్రాప్య ముష్టిముద్యమ్య వేగితః*।
అభ్యధావత దుష్టాత్మా చణ్డికానిధనేచ్ఛయా॥25॥
తమాయాన్తం తతో దేవీ
సర్వదైత్యజనేశ్వరమ్।
జగత్యాం పాతయామాస భిత్త్వా
శూలేన వక్షసి॥26॥
స గతాసుః పపాతోర్వ్యాం
దేవీశూలాగ్రవిక్షతః।
చాలయన్ సకలాం పృథ్వీం
సాబ్ధిద్వీపాం సపర్వతామ్॥27॥
తతః ప్రసన్నమఖిలం హతే తస్మిన్ దురాత్మని।
జగత్స్వాస్థ్యమతీవాప
నిర్మలం చాభవన్నభః॥28॥
ఉత్పాతమేఘాః సోల్కా యే
ప్రాగాసంస్తే శమం యయుః।
సరితో మార్గవాహిన్యస్తథాసంస్తత్ర పాతితే॥29॥
తతో దేవగణాః సర్వే
హర్షనిర్భరమానసాః।
బభూవుర్నిహతే తస్మిన్ గన్ధర్వా
లలితం జగుః॥30॥
అవాదయంస్తథైవాన్యే
ననృతుశ్చాప్సరోగణాః।
వవుః పుణ్యాస్తథా వాతాః సుప్రభోఽభూద్దివాకరః॥31॥
జజ్వలుశ్చాగ్నయః
శాన్తాః శాన్తా దిగ్జనితస్వనాః॥ఓం॥32॥
॥ ఇతి శ్రీమార్కణ్డేయపురాణే
సావర్ణికే మన్వన్తరే దేవీమాహాత్మ్యే
శుమ్భవధో నామ దశమోఽధ్యాయః॥10॥
ఉవాచ 4, అర్ధశ్లోకః 1, శ్లోకాః
27,
ఏవమ్ 32, ఏవమాదితః॥575
॥
Comments
Post a Comment