శ్రీ దుర్గా సప్తశతీ - శ్రీ చండికా ధ్యానం
ఓం బంధూకకుసుమాభాసాం పంచముండాధివాసినీమ్ |
స్ఫురచ్చంద్రకలారత్నముకుటాం ముండమాలినీమ్ ||
త్రినేత్రాం రక్తవసనాం
పీనోన్నతఘటస్తనీమ్ |
పుస్తకం చాక్షమాలాం చ వరం చాభయకం క్రమాత్ ||
దధతీం సంస్మరేన్నిత్యముత్తరామ్నాయమానితామ్
|
యా చండీ మధుకైటభాదిదలనీ
యా మాహిషోన్మూలినీ
యా ధూమ్రేక్షణచండముండమథనీ యా రక్తబీజాశనీ |
శక్తిః శుంభనిశుంభదైత్యదలనీ యా సిద్ధిదాత్రీ పరా
సా దేవీ నవకోటిమూర్తిసహితా మాం పాతు విశ్వేశ్వరీ ||
Comments
Post a Comment