Durga Saptashati is a Hindu religious text describing the victory of the goddess Durga over the demon Mahishasura. Durga Saptashati is also known as the Devi Mahatmyam, Chandi Patha (चण्डीपाठः) and contains 700 verses, arranged into 13 chapters.
The third chapter of Durga Saptashati is
based on "the slaying of Mahishasura".
॥ శ్రీదుర్గాసప్తశతీ - తృతీయోఽధ్యాయః ॥
The slaying of Mahishasura along with his generals
॥ ధ్యానమ్ ॥
ఓం ఉద్యద్భానుసహస్రకాన్తిమరుణక్షౌమాం శిరోమాలికాం
రక్తాలిప్తపయోధరాం
జపవటీం విద్యామభీతిం వరమ్।
హస్తాబ్జైర్దధతీం
త్రినేత్రవిలసద్వక్త్రారవిన్దశ్రియం
దేవీం బద్ధహిమాంశురత్నముకుటాం వన్దేఽరవిన్దస్థితామ్॥
"ఓం"
ఋషిరరువాచ॥1॥
నిహన్యమానం తత్సైన్యమవలోక్య మహాసురః।
సేనానీశ్చిక్షురః
కోపాద్యయౌ యోద్ధుమథామ్బికామ్॥2॥
తస్యచ్ఛిత్త్వా
తతో దేవీ లీలయైవ శరోత్కరాన్।
జఘాన తురగాన్ బాణైర్యన్తారం
చైవ వాజినామ్॥3॥
చిచ్ఛేద చ ధనుః
సద్యో ధ్వజం చాతిసముచ్ఛ్రితమ్।
వివ్యాధ చైవ గాత్రేషు
ఛిన్నధన్వానమాశుగైః॥4॥
సచ్ఛిన్నధన్వా విరథో హతాశ్వో
హతసారథిః।
అభ్యధావత తాం దేవీం
ఖడ్గచర్మధరోఽసురః॥5॥
సింహమాహత్య ఖడ్గేన తీక్ష్ణధారేణ
మూర్ధని।
ఆజఘాన భుజే సవ్యే
దేవీమప్యతివేగవాన్॥6॥
తస్యాః ఖడ్గో భుజం
ప్రాప్య పఫాల నృపనన్దన।
తతో జగ్రాహ శూలం
స కోపాదరుణలోచనః॥7॥
చిక్షేప చ తతస్తత్తు
భద్రకాల్యాం మహాసురః।
జాజ్వల్యమానం తేజోభీ రవిబిమ్బమివామ్బరాత్॥8॥
దృష్ట్వా తదాపతచ్ఛూలం దేవీ శూలమముఞ్చత।
తచ్ఛూలం* శతధా తేన
నీతం స చ మహాసురః॥9॥
హతే తస్మిన్మహావీర్యే మహిషస్య చమూపతౌ।
ఆజగామ గజారూఢశ్చామరస్త్రిదశార్దనః॥10॥
సోఽపి శక్తిం ముమోచాథ
దేవ్యాస్తామమ్బికా ద్రుతమ్।
హుంకారాభిహతాం భూమౌ పాతయామాస
నిష్ప్రభామ్॥11॥
భగ్నాం శక్తిం నిపతితాం
దృష్ట్వా క్రోధసమన్వితః।
చిక్షేప చామరః శూలం
బాణైస్తదపి సాచ్ఛినత్॥12॥
తతః సింహః సముత్పత్య
గజకుమ్భాన్తరే స్థితః।
బాహుయుద్ధేన యుయుధే తేనోచ్చైస్త్రిదశారిణా॥13॥
యుద్ధ్యమానౌ తతస్తౌ తు
తస్మాన్నాగాన్మహీం గతౌ।
యుయుధాతేఽతిసంరబ్ధౌ
ప్రహారైరతిదారుణైః॥14॥
తతో వేగాత్ ఖముత్పత్య
నిపత్య చ మృగారిణా।
కరప్రహారేణ శిరశ్చామరస్య పృథక్కృతమ్॥15॥
ఉదగ్రశ్చ రణే దేవ్యా
శిలావృక్షాదిభిర్హతః।
దన్తముష్టితలైశ్చైవ
కరాలశ్చ నిపాతితః॥16॥
దేవీ క్రుద్ధా గదాపాతైశ్చూర్ణయామాస
చోద్ధతమ్।
బాష్కలం భిన్దిపాలేన బాణైస్తామ్రం తథాన్ధకమ్॥17॥
ఉగ్రాస్యముగ్రవీర్యం
చ తథైవ
చ మహాహనుమ్।
త్రినేత్రా చ త్రిశూలేన
జఘాన పరమేశ్వరీ॥18॥
బిడాలస్యాసినా కాయాత్పాతయామాస వై శిరః।
దుర్ధరం దుర్ముఖం చోభౌ
శరైర్నిన్యే యమక్షయమ్*॥19॥
ఏవం సంక్షీయమాణే తు స్వసైన్యే
మహిషాసురః।
మాహిషేణ స్వరూపేణ త్రాసయామాస
తాన్ గణాన్॥20॥
కాంశ్చిత్తుణ్డప్రహారేణ
ఖురక్షేపైస్తథాపరాన్।
లాఙ్గూలతాడితాంశ్చాన్యాఞ్ఛృఙ్గాభ్యాం
చ విదారితాన్॥21॥
వేగేన కాంశ్చిదపరాన్నాదేన భ్రమణేన చ।
నిఃశ్వాసపవనేనాన్యాన్
పాతయామాస భూతలే॥22॥
నిపాత్య ప్రమథానీకమభ్యధావత సోఽసురః।
సింహం హన్తుం మహాదేవ్యాః
కోపం చక్రే తతోఽమ్బికా॥23॥
సోఽపి కోపాన్మహావీర్యః ఖురక్షుణ్ణమహీతలః।
శ్రృఙ్గాభ్యాం పర్వతానుచ్చాంశ్చిక్షేప చ ననాద
చ॥24॥
వేగభ్రమణవిక్షుణ్ణా
మహీ తస్య వ్యశీర్యత।
లాఙ్గూలేనాహతశ్చాబ్ధిః
ప్లావయామాస సర్వతః॥25॥
ధుతశ్రృఙ్గవిభిన్నాశ్చ
ఖణ్డం* ఖణ్డం యయుర్ఘనాః।
శ్వాసానిలాస్తాః
శతశో నిపేతుర్నభసోఽచలాః॥26॥
ఇతి క్రోధసమాధ్మాతమాపతన్తం మహాసురమ్।
దృష్ట్వా సా చణ్డికా
కోపం తద్వధాయ తదాకరోత్॥27॥
సా క్షిప్త్వా తస్య వై పాశం తం
బబన్ధ మహాసురమ్।
తత్యాజ మాహిషం రూపం
సోఽపి బద్ధో మహామృధే॥28॥
తతః సింహోఽభవత్సద్యో యావత్తస్యామ్బికా శిరః।
ఛినత్తి తావత్పురుషః ఖడ్గపాణిరదృశ్యత॥29॥
తత ఏవాశు పురుషం
దేవీ చిచ్ఛేద సాయకైః।
తం ఖడ్గచర్మణా సార్ధం తతః సోఽభూన్మహాగజః॥30॥
కరేణ చ మహాసింహం
తం చకర్ష
జగర్జ చ।
కర్షతస్తు కరం దేవీ
ఖడ్గేన నిరకృన్తత॥31॥
తతో మహాసురో భూయో
మాహిషం వపురాస్థితః।
తథైవ క్షోభయామాస త్రైలోక్యం సచరాచరమ్॥32॥
తతః క్రుద్ధా జగన్మాతా
చణ్డికా పానముత్తమమ్।
పపౌ పునః పునశ్చైవ
జహాసారుణలోచనా॥33॥
ననర్ద చాసురః సోఽపి
బలవీర్యమదోద్ధతః।
విషాణాభ్యాం చ చిక్షేప
చణ్డికాం ప్రతి భూధరాన్॥34॥
సా చ తాన్
ప్రహితాంస్తేన చూర్ణయన్తీ శరోత్కరైః।
ఉవాచ తం మదోద్ధూతముఖరాగాకులాక్షరమ్॥35॥
దేవ్యువాచ॥36॥
గర్జ గర్జ క్షణం
మూఢ మధు యావత్పిబామ్యహమ్।
మయా త్వయి హతేఽత్రైవ
గర్జిష్యన్త్యాశు దేవతాః॥37॥
ఋషిరువాచ॥38॥
ఏవముక్త్వా సముత్పత్య సాఽఽరూఢా తం మహాసురమ్।
పాదేనాక్రమ్య కణ్ఠే చ
శూలేనైనమతాడయత్॥39॥
తతః సోఽపి పదాఽఽక్రాన్తస్తయా
నిజముఖాత్తతః।
అర్ధనిష్క్రాన్త
ఏవాసీద్* దేవ్యా వీర్యేణ
సంవృతః॥40॥
అర్ధనిష్క్రాన్త
ఏవాసౌ యుధ్యమానో మహాసురః।
తయా మహాసినా దేవ్యా
శిరశ్ఛిత్త్వా నిపాతితః*॥41॥
తతో హాహాకృతం సర్వం
దైత్యసైన్యం ననాశ తత్।
ప్రహర్షం చ పరం
జగ్ముః సకలా దేవతాగణాః॥42॥
తుష్టువుస్తాం సురా దేవీం
సహ దివ్యైర్మహర్షిభిః।
జగుర్గన్ధర్వపతయో
ననృతుశ్చాప్సరోగణాః॥ఓం॥43॥
॥ ఇతి శ్రీమార్కణ్డేయపురాణే
సావర్ణికే మన్వన్తరే దేవీమాహాత్మ్యే
మహిషాసురవధో నామ తృతీయోఽధ్యాయః॥3॥
ఉవాచ 3, శ్లోకాః 41, ఏవమ్
44,
ఏవమాదితః॥217 ॥
Comments
Post a Comment