Devi Aparadha Kshamapana
॥ అథ దేవ్యపరాధక్షమాపనస్తోత్రమ్
॥
న మన్త్రం నో
యన్త్రం తదపి చ న జానే
స్తుతిమహో
న చాహ్వానం ధ్యానం
తదపి చ న జానే స్తుతికథాః।
న జానే ముద్రాస్తే
తదపి చ న జానే విలపనం
పరం జానే మాతస్త్వదనుసరణం
క్లేశహరణమ్॥1॥
విధేరజ్ఞానేన ద్రవిణవిరహేణాలసతయా
విధేయాశక్యత్వాత్తవ
చరణయోర్యా చ్యుతిరభూత్।
తదేతత్ క్షన్తవ్యం జనని సకలోద్ధారిణి
శివే
కుపుత్రో జాయేత క్వచిదపి
కుమాతా న భవతి॥2॥
పృథివ్యాం పుత్రాస్తే జనని బహవః సన్తి సరలాః
పరం తేషాం మధ్యే
విరలతరలోఽహం తవ సుతః।
మదీయోఽయం త్యాగః సముచితమిదం
నో తవ
శివే
కుపుత్రో జాయేత క్వచిదపి
కుమాతా న భవతి॥3॥
జగన్మాతర్మాతస్తవ
చరణసేవా న రచితా
న వా దత్తం
దేవి ద్రవిణమపి భూయస్తవ
మయా।
తథాపి త్వం స్నేహం
మయి నిరుపమం యత్ప్రకురుషే
కుపుత్రో జాయేత క్వచిదపి
కుమాతా న భవతి॥4॥
పరిత్యక్తా దేవా వివిధవిధసేవాకులతయా
మయా పఞ్చాశీతేరధికమపనీతే తు వయసి।
ఇదానీం చేన్మాతస్తవ యది కృపా నాపి భవితా
నిరాలమ్బో లమ్బోదరజనని కం యామి శరణమ్॥5॥
శ్వపాకో జల్పాకో భవతి
మధుపాకోపమగిరా
నిరాతఙ్కో రఙ్కో విహరతి
చిరం కోటికనకైః।
తవాపర్ణే కర్ణే విశతి
మనువర్ణే ఫలమిదం
జనః కో జానీతే
జనని జపనీయం జపవిధౌ॥6॥
చితాభస్మాలేపో గరలమశనం దిక్పటధరో
జటాధారీ కణ్ఠే భుజగపతిహారీ
పశుపతిః।
కపాలీ భూతేశో భజతి
జగదీశైకపదవీం
భవాని త్వత్పాణిగ్రహణపరిపాటీఫలమిదమ్॥7॥
న మోక్షస్యాకాఙ్క్షా భవవిభవవాఞ్ఛాపి చ న మే
న విజ్ఞానాపేక్షా శశిముఖి సుఖేచ్ఛాపి
న పునః।
అతస్త్వాం సంయాచే జనని
జననం యాతు మమ వై
మృడానీ రుద్రాణీ శివ
శివ భవానీతి జపతః॥8॥
నారాధితాసి విధినా వివిధోపచారైః
కిం రుక్షచిన్తనపరైర్న కృతం వచోభిః।
శ్యామే త్వమేవ యది
కిఞ్చన మయ్యనాథే
ధత్సే కృపాముచితమమ్బ పరం తవైవ॥9॥
ఆపత్సు మగ్నః స్మరణం
త్వదీయం
కరోమి దుర్గే కరుణార్ణవేశి।
నైతచ్ఛఠత్వం మమ భావయేథాః
క్షుధాతృషార్తా
జననీం స్మరన్తి॥10॥
జగదమ్బ విచిత్రమత్ర కిం పరిపూర్ణా
కరుణాస్తి చేన్మయి।
అపరాధపరమ్పరాపరం
న హి
మాతా సముపేక్షతే సుతమ్॥11॥
మత్సమః పాతకీ నాస్తి
పాపఘ్నీ త్వత్సమా న హి।
ఏవం జ్ఞాత్వా మహాదేవి
యథాయోగ్యం తథా కురు॥12॥
॥ ఇతి శ్రీశఙ్కరాచార్యవిరచితం
దేవ్యపరాధక్షమాపనస్తోత్రం సమ్పూర్ణమ్ ॥
Comments
Post a Comment