Durga Saptashati is a Hindu religious text describing the victory of the goddess Durga over the demon Mahishasura. Durga Saptashati is also known as the Devi Mahatmyam, Chandi Patha (चण्डीपाठः) and contains 700 verses, arranged into 13 chapters.
The fifth chapter of Durga Saptashati is
based on "Devi's conversation with the messenger".
॥ శ్రీదుర్గాసప్తశతీ - పఞ్చమోఽధ్యాయః ॥
The praise
of the Goddess by the gods, Shumbha sending his messenger to them after hearing
from Chanda and Munda’s mouths the praise of Ambika’s form, and the messenger’s
return in disappointment.
॥ వినియోగః ॥
ఓం అస్య శ్రీఉత్తరచరిత్రస్య
రుద్ర ఋషిః,మహాసరస్వతీ
దేవతా, అనుష్టుప్
ఛన్దః, భీమా శక్తిః,
భ్రామరీ బీజమ్,సూర్యస్తత్త్వమ్,
సామవేదః స్వరూపమ్,
మహాసరస్వతీప్రీత్యర్థే
ఉత్తరచరిత్రపాఠే వినియోగః।
॥ ధ్యానమ్ ॥
ఓం ఘణ్టాశూలహలాని శఙ్ఖముసలే చక్రం
ధనుః సాయకం
హస్తాబ్జైర్దధతీం
ఘనాన్తవిలసచ్ఛీతాంశుతుల్యప్రభామ్।
గౌరీదేహసముద్భవాం
త్రిజగతామాధారభూతాం మహా-
పూర్వామత్ర సరస్వతీమనుభజే శుమ్భాదిదైత్యార్దినీమ్॥
"ఓం క్లీం" ఋషిరువాచ॥1॥
పురా శుమ్భనిశుమ్భాభ్యామసురాభ్యాం శచీపతేః।
త్రైలోక్యం యజ్ఞభాగాశ్చ హృతా మదబలాశ్రయాత్॥2॥
తావేవ సూర్యతాం తద్వదధికారం
తథైన్దవమ్।
కౌబేరమథ యామ్యం చ
చక్రాతే వరుణస్య చ॥3॥
తావేవ పవనర్ద్ధిం చ చక్రతుర్వహ్నికర్మ
చ*।
తతో దేవా వినిర్ధూతా
భ్రష్టరాజ్యాః పరాజితాః॥4॥
హృతాధికారాస్త్రిదశాస్తాభ్యాం
సర్వే నిరాకృతాః।
మహాసురాభ్యాం తాం దేవీం
సంస్మరన్త్యపరాజితామ్॥5॥
తయాస్మాకం వరో దత్తో
యథాఽఽపత్సు స్మృతాఖిలాః।
భవతాం నాశయిష్యామి తత్క్షణాత్పరమాపదః॥6॥
ఇతి కృత్వా మతిం
దేవా హిమవన్తం నగేశ్వరమ్।
జగ్ముస్తత్ర తతో దేవీం
విష్ణుమాయాం ప్రతుష్టువుః॥7॥
దేవా ఊచుః॥8॥
నమో దేవ్యై మహాదేవ్యై
శివాయై సతతం నమః।
నమః ప్రకృత్యై భద్రాయై నియతాః
ప్రణతాః స్మ తామ్॥9॥
రౌద్రాయై నమో నిత్యాయై
గౌర్యై ధాత్ర్యై నమో
నమః।
జ్యోత్స్నాయై చేన్దురూపిణ్యై సుఖాయై సతతం నమః॥10॥
కల్యాణ్యై ప్రణతాం* వృద్ధ్యై సిద్ధ్యై
కుర్మో నమో నమః।
నైర్ఋత్యై భూభృతాం లక్ష్మ్యై
శర్వాణ్యై తే నమో నమః॥11॥
దుర్గాయై దుర్గపారాయై సారాయై సర్వకారిణ్యై।
ఖ్యాత్యై తథైవ కృష్ణాయై
ధూమ్రాయై సతతం నమః॥12॥
అతిసౌమ్యాతిరౌద్రాయై
నతాస్తస్యై నమో నమః।
నమో జగత్ప్రతిష్ఠాయై దేవ్యై కృత్యై
నమో నమః॥13॥
యా దేవీ సర్వభూతేషు
విష్ణుమాయేతి శబ్దితా।
నమస్తస్యై॥14॥
నమస్తస్యై॥15॥
నమస్తస్యై నమో నమః॥16॥
యా దేవీ సర్వభూతేషు
చేతనేత్యభిధీయతే।
నమస్తస్యై॥17॥
నమస్తస్యై॥18॥
నమస్తస్యై నమో నమః॥19॥
యా దేవీ సర్వభూతేషు
బుద్ధిరూపేణ సంస్థితా।
నమస్తస్యై॥20॥
నమస్తస్యై॥21॥
నమస్తస్యై నమో నమః॥22॥
యా దేవీ సర్వభూతేషు
నిద్రారూపేణ సంస్థితా।
నమస్తస్యై॥23॥
నమస్తస్యై॥24॥
నమస్తస్యై నమో నమః॥25॥
యా దేవీ సర్వభూతేషు
క్షుధారూపేణ సంస్థితా।
నమస్తస్యై॥26॥
నమస్తస్యై॥27॥
నమస్తస్యై నమో నమః॥28॥
యా దేవీ సర్వభూతేషుచ్ఛాయారూపేణ
సంస్థితా॥
నమస్తస్యై॥29॥
నమస్తస్యై॥30॥
నమస్తస్యై నమో నమః॥31॥
యా దేవీ సర్వభూతేషు
శక్తిరూపేణ సంస్థితా॥
నమస్తస్యై॥32॥
నమస్తస్యై॥33॥
నమస్తస్యై నమో నమః॥34॥
యా దేవీ సర్వభూతేషు
తృష్ణారూపేణ సంస్థితా॥
నమస్తస్యై॥35॥
నమస్తస్యై॥36॥
నమస్తస్యై నమో నమః॥37॥
యా దేవీ సర్వభూతేషు
క్షాన్తిరూపేణ సంస్థితా॥
నమస్తస్యై॥38॥
నమస్తస్యై॥39॥
నమస్తస్యై నమో నమః॥40॥
యా దేవీ సర్వభూతేషు
జాతిరూపేణ సంస్థితా॥
నమస్తస్యై॥41॥
నమస్తస్యై॥42॥
నమస్తస్యై నమో నమః॥43॥
యా దేవీ సర్వభూతేషు
లజ్జారూపేణ సంస్థితా॥
నమస్తస్యై॥44॥
నమస్తస్యై॥45॥
నమస్తస్యై నమో నమః॥46॥
యా దేవీ సర్వభూతేషు
శాన్తిరూపేణ సంస్థితా॥
నమస్తస్యై॥47॥
నమస్తస్యై॥48॥
నమస్తస్యై నమో నమః॥49॥
యా దేవీ సర్వభూతేషు
శ్రద్ధారూపేణ సంస్థితా॥
నమస్తస్యై॥50॥
నమస్తస్యై॥51॥
నమస్తస్యై నమో నమః॥52॥
యా దేవీ సర్వభూతేషు
కాన్తిరూపేణ సంస్థితా॥
నమస్తస్యై॥53॥
నమస్తస్యై॥54॥
నమస్తస్యై నమో నమః॥55॥
యా దేవీ సర్వభూతేషు
లక్ష్మీరూపేణ సంస్థితా॥
నమస్తస్యై॥56॥
నమస్తస్యై॥57॥
నమస్తస్యై నమో నమః॥58॥
యా దేవీ సర్వభూతేషు
వృత్తిరూపేణ సంస్థితా॥
నమస్తస్యై॥59॥
నమస్తస్యై॥60॥
నమస్తస్యై నమో నమః॥61॥
యా దేవీ సర్వభూతేషు
స్మృతిరూపేణ సంస్థితా॥
నమస్తస్యై॥62॥
నమస్తస్యై॥63॥
నమస్తస్యై నమో నమః॥64॥
యా దేవీ సర్వభూతేషు
దయారూపేణ సంస్థితా॥
నమస్తస్యై॥65॥
నమస్తస్యై॥66॥
నమస్తస్యై నమో నమః॥67॥
యా దేవీ సర్వభూతేషు
తుష్టిరూపేణ సంస్థితా॥
నమస్తస్యై॥68॥
నమస్తస్యై॥69॥
నమస్తస్యై నమో నమః॥70॥
యా దేవీ సర్వభూతేషు
మాతృరూపేణ సంస్థితా॥
నమస్తస్యై॥71॥
నమస్తస్యై॥72॥
నమస్తస్యై నమో నమః॥73॥
యా దేవీ సర్వభూతేషు
భ్రాన్తిరూపేణ సంస్థితా॥
నమస్తస్యై॥74॥
నమస్తస్యై॥75॥
నమస్తస్యై నమో నమః॥76॥
ఇన్ద్రియాణామధిష్ఠాత్రీ
భూతానాం చాఖిలేషు యా।
భూతేషు సతతం తస్యై
వ్యాప్తిదేవ్యై నమో నమః॥77॥
చితిరూపేణ యా కృత్స్నమేతద్
వ్యాప్య స్థితా జగత్।
నమస్తస్యై॥78॥
నమస్తస్యై॥79॥
నమస్తస్యై నమో నమః॥80॥
స్తుతా సురైః పూర్వమభీష్టసంశ్రయాత్తథా
సురేన్ద్రేణ దినేషు సేవితా।
కరోతు సా నః
శుభహేతురీశ్వరీ శుభాని భద్రాణ్యభిహన్తు
చాపదః॥81॥
యా సామ్ప్రతం చోద్ధతదైత్యతాపితైరస్మాభిరీశా చ సురైర్నమస్యతే।
యా చ స్మృతా
తత్క్షణమేవ హన్తి నః
సర్వాపదో భక్తివినమ్రమూర్తిభిః॥82॥
ఋషిరువాచ॥83॥
ఏవం స్తవాదియుక్తానాం దేవానాం తత్ర
పార్వతీ।
స్నాతుమభ్యాయయౌ
తోయే జాహ్నవ్యా నృపనన్దన॥84॥
సాబ్రవీత్తాన్ సురాన్ సుభ్రూర్భవద్భిః
స్తూయతేఽత్ర కా।
శరీరకోశతశ్చాస్యాః
సముద్భూతాబ్రవీచ్ఛివా॥85॥
స్తోత్రం మమైతత్ క్రియతే
శుమ్భదైత్యనిరాకృతైః।
దేవైః సమేతైః* సమరే నిశుమ్భేన
పరాజితైః॥86॥
శరీర*కోశాద్యత్తస్యాః పార్వత్యా నిఃసృతామ్బికా।
కౌశికీతి* సమస్తేషు తతో
లోకేషు గీయతే॥87॥
తస్యాం వినిర్గతాయాం తు కృష్ణాభూత్సాపి
పార్వతీ।
కాలికేతి సమాఖ్యాతా హిమాచలకృతాశ్రయా॥88॥
తతోఽమ్బికాం పరం రూపం
బిభ్రాణాం సుమనోహరమ్।
దదర్శ చణ్డో ముణ్డశ్చ
భృత్యౌ శుమ్భనిశుమ్భయోః॥89॥
తాభ్యాం శుమ్భాయ చాఖ్యాతా
అతీవ సుమనోహరా।
కాప్యాస్తే స్త్రీ మహారాజ
భాసయన్తీ హిమాచలమ్॥90॥
నైవ తాదృక్ క్వచిద్రూపం
దృష్టం కేనచిదుత్తమమ్।
జ్ఞాయతాం కాప్యసౌ దేవీ
గృహ్యతాం చాసురేశ్వర॥91॥
స్త్రీరత్నమతిచార్వఙ్గీ
ద్యోతయన్తీ దిశస్త్విషా।
సా తు తిష్ఠతి
దైత్యేన్ద్ర తాం భవాన్
ద్రష్టుమర్హతి॥92॥
యాని రత్నాని మణయో
గజాశ్వాదీని వై ప్రభో।
త్రైలోక్యే తు సమస్తాని
సామ్ప్రతం భాన్తి తే గృహే॥93॥
ఐరావతః సమానీతో గజరత్నం
పురన్దరాత్।
పారిజాతతరుశ్చాయం
తథైవోచ్చైఃశ్రవా హయః॥94॥
విమానం హంససంయుక్తమేతత్తిష్ఠతి తేఽఙ్గణే।
రత్నభూతమిహానీతం
యదాసీద్వేధసోఽద్భుతమ్॥95॥
నిధిరేష మహాపద్మః సమానీతో
ధనేశ్వరాత్।
కిఞ్జల్కినీం దదౌ చాబ్ధిర్మాలామమ్లానపఙ్కజామ్॥96॥
ఛత్రం తే వారుణం
గేహే కాఞ్చనస్రావి తిష్ఠతి।
తథాయం స్యన్దనవరో యః పురాఽఽసీత్ప్రజాపతేః॥97॥
మృత్యోరుత్క్రాన్తిదా
నామ శక్తిరీశ త్వయా
హృతా।
పాశః సలిలరాజస్య భ్రాతుస్తవ పరిగ్రహే॥98॥
నిశుమ్భస్యాబ్ధిజాతాశ్చ
సమస్తా రత్నజాతయః।
వహ్నిరపి* దదౌ తుభ్యమగ్నిశౌచే
చ వాససీ॥99॥
ఏవం దైత్యేన్ద్ర రత్నాని సమస్తాన్యాహృతాని
తే।
స్త్రీరత్నమేషా
కల్యాణీ త్వయా కస్మాన్న
గృహ్యతే॥100॥
ఋషిరువాచ॥101॥
నిశమ్యేతి వచః శుమ్భః
స తదా
చణ్డముణ్డయోః।
ప్రేషయామాస సుగ్రీవం దూతం
దేవ్యా మహాసురమ్*॥102॥
ఇతి చేతి చ
వక్తవ్యా సా గత్వా వచనాన్మమ।
యథా చాభ్యేతి సమ్ప్రీత్యా
తథా కార్యం త్వయా
లఘు॥103॥
స తత్ర గత్వా
యత్రాస్తే శైలోద్దేశేఽతిశోభనే।
సా* దేవీ తాం
తతః ప్రాహ శ్లక్ష్ణం
మధురయా గిరా॥104॥
దూత ఉవాచ॥105॥
దేవి దైత్యేశ్వరః శుమ్భస్త్రైలోక్యే పరమేశ్వరః।
దూతోఽహం ప్రేషితస్తేన త్వత్సకాశమిహాగతః॥106॥
అవ్యాహతాజ్ఞః సర్వాసు యః
సదా దేవయోనిషు।
నిర్జితాఖిలదైత్యారిః
స యదాహ
శృణుష్వ తత్॥107॥
మమ త్రైలోక్యమఖిలం మమ దేవా వశానుగాః।
యజ్ఞభాగానహం సర్వానుపాశ్నామి పృథక్ పృథక్॥108॥
త్రైలోక్యే వరరత్నాని మమ వశ్యాన్యశేషతః।
తథైవ గజరత్నం* చ హృత్వా* దేవేన్ద్రవాహనమ్॥109॥
క్షీరోదమథనోద్భూతమశ్వరత్నం
మమామరైః।
ఉచ్చైఃశ్రవససంజ్ఞం
తత్ప్రణిపత్య సమర్పితమ్॥110॥
యాని చాన్యాని దేవేషు
గన్ధర్వేషూరగేషు చ।
రత్నభూతాని భూతాని తాని
మయ్యేవ శోభనే॥111॥
స్త్రీరత్నభూతాం
త్వాం దేవి లోకే మన్యామహే వయమ్।
సా త్వమస్మానుపాగచ్ఛ యతో రత్నభుజో
వయమ్॥112॥
మాం వా మమానుజం
వాపి నిశుమ్భమురువిక్రమమ్।
భజ త్వం చ
చఞ్చలాపాఙ్గి రత్నభూతాసి వై యతః॥113॥
పరమైశ్వర్యమతులం
ప్రాప్స్యసే మత్పరిగ్రహాత్।
ఏతద్ బుద్ధ్యా సమాలోచ్య
మత్పరిగ్రహతాం వ్రజ॥114॥
ఋషిరువాచ॥115॥
ఇత్యుక్తా సా తదా
దేవీ గమ్భీరాన్తఃస్మితా జగౌ।
దుర్గా భగవతీ భద్రా
యయేదం ధార్యతే జగత్॥116॥
దేవ్యువాచ॥117॥
సత్యముక్తం త్వయా నాత్ర
మిథ్యా కిఞ్చిత్త్వయోదితమ్।
త్రైలోక్యాధిపతిః
శుమ్భో నిశుమ్భశ్చాపి తాదృశః॥118॥
కిం త్వత్ర యత్ప్రతిజ్ఞాతం
మిథ్యా తత్క్రియతే కథమ్।
శ్రూయతామల్పబుద్ధిత్వాత్ప్రతిజ్ఞా
యా కృతా
పురా॥119॥
యో మాం జయతి
సఙ్గ్రామే యో మే దర్పం వ్యపోహతి।
యో మే ప్రతిబలో
లోకే స మే భర్తా భవిష్యతి॥120॥
తదాగచ్ఛతు శుమ్భోఽత్ర నిశుమ్భో వా మహాసురః।
మాం జిత్వా కిం
చిరేణాత్ర పాణిం గృహ్ణాతు
మే లఘు॥121॥
దూత ఉవాచ॥122॥
అవలిప్తాసి మైవం త్వం
దేవి బ్రూహి మమాగ్రతః।
త్రైలోక్యే కః పుమాంస్తిష్ఠేదగ్రే
శుమ్భనిశుమ్భయోః॥123॥
అన్యేషామపి దైత్యానాం సర్వే దేవా న వై
యుధి।
తిష్ఠన్తి సమ్ముఖే దేవి
కిం పునః స్త్రీ త్వమేకికా॥124॥
ఇన్ద్రాద్యాః సకలా దేవాస్తస్థుర్యేషాం
న సంయుగే।
శుమ్భాదీనాం కథం తేషాం
స్త్రీ ప్రయాస్యసి సమ్ముఖమ్॥125॥
సా త్వం గచ్ఛ
మయైవోక్తా పార్శ్వం శుమ్భనిశుమ్భయోః।
కేశాకర్షణనిర్ధూతగౌరవా
మా గమిష్యసి॥126॥
దేవ్యువాచ॥127॥
ఏవమేతద్ బలీ శుమ్భో
నిశుమ్భశ్చాతివీర్యవాన్।
కిం కరోమి ప్రతిజ్ఞా
మే యదనాలోచితా
పురా॥128॥
స త్వం గచ్ఛ
మయోక్తం తే యదేతత్సర్వమాదృతః।
తదాచక్ష్వాసురేన్ద్రాయ
స చ
యుక్తం కరోతు తత్*॥ఓం॥129॥
॥ ఇతి శ్రీమార్కణ్డేయపురాణే
సావర్ణికే మన్వన్తరే దేవీమాహాత్మ్యే
దేవ్యా
దూతసంవాదో నామ పఞ్చమోఽధ్యాయః॥5॥
ఉవాచ 9, త్రిపాన్మన్త్రాః 66, శ్లోకాః
54, ఏవమ్ 129,
ఏవమాదితః॥388 ॥
Comments
Post a Comment