Durga Saptashati is a Hindu religious text describing the victory of the goddess Durga over the demon Mahishasura. Durga Saptashati is also known as the Devi Mahatmyam, Chandi Patha (चण्डीपाठः) and contains 700 verses, arranged into 13 chapters.
The sixth chapter of Durga Saptashati is
based on "the slaying of Dhumralochana".
॥ శ్రీదుర్గాసప్తశతీ - షష్ఠోఽధ్యాయః ॥
ధూమ్రలోచన-వధ
॥ ధ్యానమ్ ॥
ఓం నాగాధీశ్వరవిష్టరాం ఫణిఫణోత్తంసోరురత్నావలీ-
భాస్వద్దేహలతాం
దివాకరనిభాం నేత్రత్రయోద్భాసితామ్।
మాలాకుమ్భకపాలనీరజకరాం
చన్ద్రార్ధచూడాం పరాం
సర్వజ్ఞేశ్వరభైరవాఙ్కనిలయాం
పద్మావతీం చిన్తయే॥
"ఓం"
ఋషిరువాచ॥1॥
ఇత్యాకర్ణ్య వచో దేవ్యాః
స దూతోఽమర్షపూరితః।
సమాచష్ట సమాగమ్య దైత్యరాజాయ
విస్తరాత్॥2॥
తస్య దూతస్య తద్వాక్యమాకర్ణ్యాసురరాట్
తతః।
సక్రోధః ప్రాహ దైత్యానామధిపం
ధూమ్రలోచనమ్॥3॥
హే ధూమ్రలోచనాశు త్వం స్వసైన్యపరివారితః।
తామానయ బలాద్ దుష్టాం
కేశాకర్షణవిహ్వలామ్॥4॥
తత్పరిత్రాణదః కశ్చిద్యది వోత్తిష్ఠతేఽపరః।
స హన్తవ్యోఽమరో వాపి యక్షో గన్ధర్వ ఏవ
వా॥5॥
ఋషిరువాచ॥6॥
తేనాజ్ఞప్తస్తతః
శీఘ్రం స దైత్యో ధూమ్రలోచనః।
వృతః షష్ట్యా సహస్రాణామసురాణాం
ద్రుతం యయౌ॥7॥
స దృష్ట్వా తాం
తతో దేవీం తుహినాచలసంస్థితామ్।
జగాదోచ్చైః ప్రయాహీతి మూలం శుమ్భనిశుమ్భయోః॥8॥
న చేత్ప్రీత్యాద్య భవతీ మద్భర్తారముపైష్యతి।
తతో బలాన్నయామ్యేష కేశాకర్షణవిహ్వలామ్॥9॥
దేవ్యువాచ॥10॥
దైత్యేశ్వరేణ ప్రహితో బలవాన్
బలసంవృతః।
బలాన్నయసి మామేవం తతః
కిం తే కరోమ్యహమ్॥11॥
ఋషిరువాచ॥12॥
ఇత్యుక్తః సోఽభ్యధావత్తామసురో ధూమ్రలోచనః।
హుంకారేణైవ తం భస్మ
సా చకారామ్బికా
తతః॥13॥
అథ క్రుద్ధం మహాసైన్యమసురాణాం
తథామ్బికా*।
వవర్ష సాయకైస్తీక్ష్ణైస్తథా శక్తిపరశ్వధైః॥14॥
తతో ధుతసటః కోపాత్కృత్వా
నాదం సుభైరవమ్।
పపాతాసురసేనాయాం
సింహో దేవ్యాః స్వవాహనః॥15॥
కాంశ్చిత్ కరప్రహారేణ దైత్యానాస్యేన చాపరాన్।
ఆక్రమ్య* చాధరేణాన్యాన్* స జఘాన* మహాసురాన్॥16॥
కేషాఞ్చిత్పాటయామాస
నఖైః కోష్ఠాని కేసరీ*।
తథా తలప్రహారేణ శిరాంసి కృతవాన్
పృథక్॥17॥
విచ్ఛిన్నబాహుశిరసః
కృతాస్తేన తథాపరే।
పపౌ చ రుధిరం
కోష్ఠాదన్యేషాం ధుతకేసరః॥18॥
క్షణేన తద్బలం సర్వం
క్షయం నీతం మహాత్మనా।
తేన కేసరిణా దేవ్యా
వాహనేనాతికోపినా॥19॥
శ్రుత్వా తమసురం దేవ్యా
నిహతం ధూమ్రలోచనమ్।
బలం చ క్షయితం
కృత్స్నం దేవీకేసరిణా తతః॥20॥
చుకోప దైత్యాధిపతిః శుమ్భః ప్రస్ఫురితాధరః।
ఆజ్ఞాపయామాస చ తౌ
చణ్డముణ్డౌ మహాసురౌ॥21॥
హే చణ్డ హే
ముణ్డ బలైర్బహుభిః* పరివారితౌ।
తత్ర గచ్ఛత గత్వా
చ సా
సమానీయతాం లఘు॥22॥
కేశేష్వాకృష్య బద్ధ్వా వా
యది వః సంశయో యుధి।
తదాశేషాయుధైః సర్వైరసురైర్వినిహన్యతామ్॥23॥
తస్యాం హతాయాం దుష్టాయాం
సింహే చ వినిపాతితే।
శీఘ్రమాగమ్యతాం
బద్ధ్వా గృహీత్వా తామథామ్బికామ్॥ఓం॥24॥
॥ ఇతి శ్రీమార్కణ్డేయపురాణే
సావర్ణికే మన్వన్తరే దేవీమాహాత్మ్యే
శుమ్భనిశుమ్భసేనానీధూమ్రలోచనవధో నామ షష్ఠోఽధ్యాయః॥6॥
ఉవాచ 4, శ్లోకాః 20, ఏవమ్
24,
ఏవమాదితః॥412 ॥
Comments
Post a Comment