Keelakam is recited after devi kavacham and argala. Keelakam is one of the important Stotram which is recited before Chandi Patha.
॥ అథ కీలకమ్
॥
ఓం అస్య శ్రీకీలకమన్త్రస్య
శివ ఋషిః,అనుష్టుప్
ఛన్దః,
శ్రీమహాసరస్వతీ
దేవతా,శ్రీజగదమ్బాప్రీత్యర్థం సప్తశతీపాఠాఙ్గత్వేన
జపే వినియోగః।
ఓం నమశ్చణ్డికాయై॥
మార్కణ్డేయ ఉవాచ
ఓం విశుద్ధజ్ఞానదేహాయ త్రివేదీదివ్యచక్షుషే।
శ్రేయఃప్రాప్తినిమిత్తాయ
నమః సోమార్ధధారిణే॥1॥
సర్వమేతద్విజానీయాన్మన్త్రాణామభికీలకమ్।
సోఽపి క్షేమమవాప్నోతి సతతం జాప్యతత్పరః॥2॥
సిద్ధ్యన్త్యుచ్చాటనాదీని
వస్తూని సకలాన్యపి।
ఏతేన స్తువతాం దేవీ
స్తోత్రమాత్రేణ సిద్ధ్యతి॥3॥
న మన్త్రో నౌషధం
తత్ర న కిఞ్చిదపి విద్యతే।
వినా జాప్యేన సిద్ధ్యేత
సర్వముచ్చాటనాదికమ్॥4॥
సమగ్రాణ్యపి సిద్ధ్యన్తి లోకశఙ్కామిమాం హరః।
కృత్వా నిమన్త్రయామాస సర్వమేవమిదం శుభమ్॥5॥
స్తోత్రం వై చణ్డికాయాస్తు
తచ్చ గుప్తం చకార సః।
సమాప్తిర్న చ పుణ్యస్య
తాం యథావన్నియన్త్రణామ్॥6॥
సోఽపి క్షేమమవాప్నోతి సర్వమేవం న సంశయః।
కృష్ణాయాం వా చతుర్దశ్యామష్టమ్యాం
వా సమాహితః॥7॥
దదాతి ప్రతిగృహ్ణాతి నాన్యథైషా ప్రసీదతి।
ఇత్థంరుపేణ కీలేన మహాదేవేన
కీలితమ్॥8॥
యో నిష్కీలాం విధాయైనాం నిత్యం
జపతి సంస్ఫుటమ్।
స సిద్ధః స
గణః సోఽపి గన్ధర్వో
జాయతే నరః॥9॥
న చైవాప్యటతస్తస్య భయం క్వాపీహ జాయతే।
నాపమృత్యువశం యాతి మృతో
మోక్షమవాప్నుయాత్॥10॥
జ్ఞాత్వా ప్రారభ్య కుర్వీత
న కుర్వాణో
వినశ్యతి।
తతో జ్ఞాత్వైవ సమ్పన్నమిదం ప్రారభ్యతే
బుధైః॥11॥
సౌభాగ్యాది చ యత్కిఞ్చిద్
దృశ్యతే లలనాజనే।
తత్సర్వం తత్ప్రసాదేన తేన జాప్యమిదం
శుభమ్॥12॥
శనైస్తు జప్యమానేఽస్మిన్ స్తోత్రే సమ్పత్తిరుచ్చకైః।
భవత్యేవ సమగ్రాపి తతః
ప్రారభ్యమేవ తత్॥13॥
ఐశ్వర్యం యత్ప్రసాదేన సౌభాగ్యారోగ్యసమ్పదః।
శత్రుహానిఃపరో మోక్షః స్తూయతే
సా న
కిం జనైః॥14॥
॥ ఇతి దేవ్యాః
కీలకస్తోత్రం సమ్పూర్ణమ్ ॥
Comments
Post a Comment