Pradhanikam Rahasyam
॥ అథ ప్రాధానికం
రహస్యమ్ ॥
॥ వినియోగః ॥
ఓం అస్య శ్రీసప్తశతీరహస్యత్రయస్యనారాయణ
ఋషిరనుష్టుప్ఛన్దః,
మహాకాలీమహాలక్ష్మీమహాసరస్వత్యో
దేవతాయథోక్తఫలావాప్త్యర్థం జపే వినియోగః।
రాజోవాచ
భగవన్నవతారా మేచణ్డికాయాస్త్వయోదితాః।
ఏతేషాం ప్రకృతిం బ్రహ్మన్ప్రధానం
వక్తుమర్హసి॥1॥
ఆరాధ్యం యన్మయా దేవ్యాఃస్వరూపం
యేన చ ద్విజ।
విధినా బ్రూహి సకలంయథావత్ప్రణతస్య
మే॥2॥
ఋషిరువాచ
ఇదం రహస్యం పరమమనాఖ్యేయం
ప్రచక్షతే।
భక్తోఽసీతి న మే
కిఞ్చిత్తవావాచ్యం నరాధిప॥3॥
సర్వస్యాద్యా మహాలక్ష్మీస్త్రిగుణా పరమేశ్వరీ।
లక్ష్యాలక్ష్యస్వరూపా
సా వ్యాప్య
కృత్స్నం వ్యవస్థితా॥4॥
మాతులుఙ్గం గదాం ఖేటం
పానపాత్రం చ బిభ్రతీ।
నాగం లిఙ్గం చ
యోనిం చ బిభ్రతీ నృప మూర్ధని॥5॥
తప్తకాఞ్చనవర్ణాభా
తప్తకాఞ్చనభూషణా।
శూన్యం తదఖిలం స్వేన
పూరయామాస తేజసా॥6॥
శూన్యం తదఖిలం లోకం
విలోక్య పరమేశ్వరీ।
బభార పరమం రూపం
తమసా కేవలేన హి॥7॥
సా భిన్నాఞ్జనసఙ్కాశా దంష్ట్రాఙ్కితవరాననా।
విశాలలోచనా నారీ బభూవ
తనుమధ్యమా॥8॥
ఖడ్గపాత్రశిరఃఖేటైరలఙ్కృతచతుర్భుజా।
కబన్ధహారం శిరసా బిభ్రాణా
హి శిరఃస్రజమ్॥9॥
సా ప్రోవాచ మహాలక్ష్మీం
తామసీ ప్రమదోత్తమా।
నామ కర్మ చ
మే మాతర్దేహి
తుభ్యం నమో నమః॥10॥
తాం ప్రోవాచ మహాలక్ష్మీస్తామసీం
ప్రమదోత్తమామ్।
దదామి తవ నామాని
యాని కర్మాణి తాని
తే॥11॥
మహామాయా మహాకాలీ మహామారీ
క్షుధా తృషా।
నిద్రా తృష్ణా చైకవీరా
కాలరాత్రిర్దురత్యయా॥12॥
ఇమాని తవ నామాని
ప్రతిపాద్యాని కర్మభిః।
ఏభిః కర్మాణి తే
జ్ఞాత్వా యోఽధీతే సోఽశ్నుతే
సుఖమ్॥13॥
తామిత్యుక్త్వా
మహాలక్ష్మీః స్వరూపమపరం నృప।
సత్త్వాఖ్యేనాతిశుద్ధేన
గుణేనేన్దుప్రభం దధౌ॥14॥
అక్షమాలాఙ్కుశధరా
వీణాపుస్తకధారిణీ।
సా బభూవ వరా
నారీ నామాన్యస్యై చ
సా దదౌ॥15॥
మహావిద్యా మహావాణీ భారతీ
వాక్ సరస్వతీ।
ఆర్యా బ్రాహ్మీ కామధేనుర్వేదగర్భా
చ ధీశ్వరీ॥16॥
అథోవాచ మహాలక్ష్మీర్మహాకాలీం సరస్వతీమ్।
యువాం జనయతాం దేవ్యౌ
మిథునే స్వానురూపతః॥17॥
ఇత్యుక్త్వా తే మహాలక్ష్మీః
ససర్జ మిథునం స్వయమ్।
హిరణ్యగర్భౌ రుచిరౌ స్త్రీపుంసౌ
కమలాసనౌ॥18॥
బ్రహ్మన్ విధే విరిఞ్చేతి
ధాతరిత్యాహ తం నరమ్।
శ్రీః పద్మే కమలే
లక్ష్మీత్యాహ మాతా చ
తాం స్త్రియమ్॥19॥
మహాకాలీ భారతీ చ
మిథునే సృజతః సహ।
ఏతయోరపి రూపాణి నామాని
చ వదామి
తే॥20॥
నీలకణ్ఠం రక్తబాహుం శ్వేతాఙ్గం చన్ద్రశేఖరమ్।
జనయామాస పురుషం మహాకాలీ
సితాం స్త్రియమ్॥21॥
స రుద్రః శఙ్కరః
స్థాణుః కపర్దీ చ త్రిలోచనః।
త్రయీ విద్యా కామధేనుః
సా స్త్రీ
భాషాక్షరా స్వరా॥22॥
సరస్వతీ స్త్రియం గౌరీం
కృష్ణం చ పురుషం నృప।
జనయామాస నామాని తయోరపి
వదామి తే॥23॥
విష్ణుః కృష్ణో హృషీకేశో
వాసుదేవో జనార్దనః।
ఉమా గౌరీ సతీ
చణ్డీ సున్దరీ సుభగా
శివా॥24॥
ఏవం యువతయః సద్యః
పురుషత్వం ప్రపేదిరే।
చక్షుష్మన్తో ను పశ్యన్తి
నేతరేఽతద్విదో జనాః॥25॥
బ్రహ్మణే ప్రదదౌ పత్నీం
మహాలక్ష్మీర్నృప త్రయీమ్।
రుద్రాయ గౌరీం వరదాం
వాసుదేవాయ చ శ్రియమ్॥26॥
స్వరయా సహ సమ్భూయ
విరిఞ్చోఽణ్డమజీజనత్।
బిభేద భగవాన్ రుద్రస్తద్
గౌర్యా సహ వీర్యవాన్॥27॥
అణ్డమధ్యే ప్రధానాది కార్యజాతమభూన్నృప।
మహాభూతాత్మకం సర్వం జగత్స్థావరజఙ్గమమ్॥28॥
పుపోష పాలయామాస తల్లక్ష్మ్యా
సహ కేశవః।
సఞ్జహార జగత్సర్వం సహ గౌర్యా మహేశ్వరః॥29॥
మహాలక్ష్మీర్మహారాజ
సర్వసత్త్వమయీశ్వరీ।
నిరాకారా చ సాకారా
సైవ నానాభిధానభృత్॥30॥
నామాన్తరైర్నిరూప్యైషా
నామ్నా నాన్యేన కేనచిత్॥ఓం॥31॥
॥ ఇతి ప్రాధానికం
రహస్యం సమ్పూర్ణమ్ ॥
Comments
Post a Comment